? ദിയ – 3 ? [ ചെകുത്താനെ സ്നേഹിച്ച മാലാഖ ] 706

ഇത്രയും പറഞ്ഞ ശേഷം ആ കോൾ കട്ടായി …. ഞാൻ തിരിച്ച് വിളിച്ചെങ്കിലും പിന്നീട് ആ നമ്പർ സ്വിച്ച് ഓഫ് ചെയ്ത നിലയിലായിരുന്നു . അയാൾ പറഞ്ഞത് ആ കാര്യങ്ങൾ കേട്ട് ഞാൻ ഒരു നിമിഷം മരവിച്ച അവസ്ഥയിലായി … പക്ഷെ പിന്നീട് ഞാൻ ചിന്തിച്ച് നോക്കിയപ്പോൾ അയാൾ പറഞ്ഞത് ശരിയാണെന്ന് എനിക്ക് തോന്നി കാരണം പലതും എന്റെ അനുഭവങ്ങളായിരുന്നു .

അന്ന് മുതൽ അവരുടെ സംസാരവും നീക്കങ്ങളും ഞാൻ മറഞ്ഞ് നിന്ന് ശ്രദ്ധിക്കാൻ തുടങ്ങി . അതിൽ നിന്നും എന്നെ ഫോൺ ചെയ്തയാൾ പറഞ്ഞത് ശരിയാണെന്ന് എനിക്ക് മനസ്സിലായി .
എന്റെ പേരിൽ അച്ഛൻ സ്വത്ത് എഴുതി വച്ചിരിക്കുന്ന ആ ഡോക്യുമെന്റ്സ് എവിടെയാണെന്ന് അവർ തിരയുകയാണെന്നും അത് എന്റെ കയ്യിൽ കിട്ടാതിരിക്കാൻ അവർ ശ്രമിക്കുന്നുണ്ടെന്നും എനിക്ക് മനസ്സിലായി .

എന്റെ അച്ഛനെയും അമ്മയെയും കൊന്ന അവർ എന്റെ കൺമുന്നിൽ അതും അച്ഛൻ കഷ്ടപ്പെട്ട് സമ്പാദിച്ച പണം കൊണ്ട് സുഖിച്ച് ജീവിക്കുന്നത് കാണുമ്പോൾ എനിക്ക് അവരെ കെല്ലാനുള്ള ദേഷ്യമുണ്ടായിരുന്നു , പക്ഷെ ഞാനെന്ത് ചെയ്യാനാ , ഒന്നും ചെയ്യാൻ എനിക്കാകുമായിരുന്നില്ല ….

എന്റെ ഇരുപത്തിരണ്ടാം പിറന്നാള് കഴിഞ്ഞ് കുറച്ച് ദിവസങ്ങൾക്ക് ശേഷം …. ഒരു ദിവസം അവർ രണ്ട് പേരും എന്റെ റൂമിലേക്ക് വന്നു … കുറച്ച് ഡോക്യുമെൻസ് എന്റെ കയ്യിൽ തന്നിട്ട് അതിൽ ഒപ്പിട്ട് കൊടുക്കാൻ അവർ എന്നോട് ആവശ്യപ്പെട്ടു , എന്റെ പേരിലുള്ള സ്വത്തിന്റെ പവർ ഓഫ് അറ്റോർണി ഡോക്യുമെൻസായിരുന്നു അത് . ഞാനത് അനുസരിച്ചില്ല ….