? ദിയ – 3 ? [ ചെകുത്താനെ സ്നേഹിച്ച മാലാഖ ] 706

അയാൾ നിറഞ്ഞ കണ്ണുകളോടെ തൊഴുതു കൊണ്ട് എന്നോട് പറഞ്ഞു …

” അങ്കിളേ അന്ന് എന്താ നടന്നത് ? അങ്കിൾ എങ്ങനെയാ ഈ സത്യങ്ങളൊക്കെ മനസ്സിലാക്കിയത് ? …. അങ്കിൾ എങ്ങനെയാ രക്ഷപ്പെട്ടത് …..? ”

ഞാൻ അയാളോട് ചോദിച്ചു …..

” ആ ദിവസവും അന്ന് നടന്ന സംഭവങ്ങളും അത് എനിക്ക് ഒരിക്കലും മറക്കാൻ കഴിയില്ല മോനേ …..

അന്ന് ഒരു ബിസിനസ്സ് ആവശ്യത്തിനാ സാറിനൊപ്പം കേരളത്തിൽ വന്നത് …. അന്ന് സാറ് നല്ല ടെൻഷനിലായിരുന്നു … ഞാൻ ഒരുപാട് തവണ കാര്യമെന്തെന്ന് തിരക്കി … ഒടുവിൽ എന്നെ വിശ്വാസമുള്ളതു കൊണ്ടാകാം സാറ് കാര്യങ്ങൾ പറഞ്ഞു …

സാറിന്റെ സുഹൃത്തായ മഹേന്ദ്രനാഥ് സാറിനെ ചതിക്കുകയായിരുന്നുവെന്നും സാറിന്റെ ഭാര്യ ശ്രീവിദ്യ മരിച്ചത് ആക്സിഡന്റല്ല മറിച്ച് ആസൂത്രിതമായ കൊലപാതകമായിരുന്നു എന്നൊക്കെയുള്ള സത്യങ്ങൾ . തന്നേയും മോളേയും ചിലപ്പോൾ കൊല്ലാൻ നോക്കുമെന്നും എല്ലാം സ്വത്തിന് വേണ്ടിയാണെന്നും സാറ് പറഞ്ഞു .

മഹേന്ദ്രനാഥിന്റെ കമ്പിനിയിലെ ഒരു സ്റ്റാഫ് മഹേന്ദ്രനാഥ് ഫോണിൽ ആരോടോ ഈ കാര്യങ്ങൾ സംസാരിക്കുന്നത് കേട്ടു അങ്ങനെ അയാളാണ് സാറിനോട് ആ സത്യങ്ങൾ പറഞ്ഞത് , കുറച്ച് ദിവസം മുൻപാണ് ഇതൊക്കെ അറിഞ്ഞതും . ഒരു മുൻകരുതലിനായി സ്വത്തെല്ലാം ദിയ കുഞ്ഞിന്റെ പേരിലേയ്ക്ക് മാറ്റിയെന്നും അതിൽ ചില വ്യവസ്ഥകൾ വച്ചിട്ടുണ്ടെന്നും സാറ് പറഞ്ഞു ….