? ദിയ – 3 ? [ ചെകുത്താനെ സ്നേഹിച്ച മാലാഖ ] 706

” നിനക്ക് ഈ അങ്കിളിനെ അറിയാമോ .. ? ”

ഞാൻ ദിയയോട് ചോദിച്ചു .

” അറിയാം … ഓർമ്മ വച്ച നാൾ മുതൽ ഞാൻ കാണുന്ന മുഖങ്ങളിൽ ഒന്നായിരുന്നു ശേഖരനങ്കിളിന്റേത് …. അച്ഛന്റെ ഡ്രൈവറായിരുന്നു ശേഖരനങ്കിൾ …. അച്ഛന് ആക്സിഡന്റ് സംഭവിച്ച ആ യാത്രയിലും കാറോടിച്ചിരുന്നത് ശേഖരനങ്കിളായിരുന്നു . കാറ് ഒരു പുഴയിലേയ്ക്ക് മറിയുകയായിരുന്നു …. അങ്കിളിന്റെ ബോഡി തിരച്ചിലിൽ കിട്ടിയില്ല എന്നൊക്കെയാ അന്ന് പറഞ്ഞ് കേട്ടത് …. ”

ദിയ എന്നോട് പറഞ്ഞു …..

” ഇതാരാ മോളേ …..? ”

എന്നെ നോക്കി കൊണ്ട് അയാൾ ദിയയോട് ചോദിച്ചു … അവൾ അന്ന് രാത്രി നടന്നതു മുതലുള്ള എല്ലാ കാര്യങ്ങളും അയാളോട് പറഞ്ഞു …

” അപ്പൊ കാത്തിരുന്ന് ഒടുവിൽ മോളേയും കൊല്ലാൻ ശ്രമിച്ചു അല്ലേ ആ ദ്രോഹി …. പേടിച്ചിട്ടാ മോളേ ഞാൻ എല്ലാത്തിൽ നിന്നും മാറി അയാളുടെ കണ്ണിൽപെടാതെ ഇവിടെ വന്ന് ജീവിക്കുന്നത് , ഞാൻ ജീവനോടെയുണ്ടെന്ന് അറിഞ്ഞാൽ എന്നെ പിന്നെ അവൻ ജീവനോടെ വച്ചേക്കില്ല . നിന്നെ പോലെയുള്ള രണ്ട് പെൺമക്കൾ എനിക്കും ഇല്ലേ അതുകൊണ്ട് മരിക്കാൻ പേടിയാ മോളേ …. ആരും ഇല്ലാത്തവരെ ദൈവം തുണയ്ക്കും എന്ന് പറയുന്നത് ശരിയാ … ആപത്ത് നിറഞ്ഞ് മരണം മുന്നിൽ കണ്ട സമയത്ത് തന്നെ ദൈവദൂതനെ പോലെ മോൻ അവിടെ എത്തിയല്ലേ ഇപ്പൊ ഇവളെ സംരക്ഷിക്കുന്നില്ലേ മോനോട് എത്ര നന്ദി പറഞ്ഞാലും മതിയാവില്ല … ”