? ദിയ – 3 ? [ ചെകുത്താനെ സ്നേഹിച്ച മാലാഖ ] 706

വീണ്ടും കുറെ നിർബന്ധിച്ചപ്പോൾ ‘ ഈ സ്വത്തിന് വേണ്ടിയല്ലേ നിങ്ങൾ എന്റെ അച്ഛനേയും അമ്മയേയും കൊന്നത് ഞാൻ മരിച്ചാലും നിങ്ങൾക്കത് കിട്ടില്ല അതുകൊണ്ട് ഞാൻ സൈൻ ചെയ്യില്ല എന്ന് പറഞ്ഞു ‘ എന്റെ കയ്യിൽ അവർ തന്ന ആ ഡോക്യുമെന്റ്സ് ഞാൻ ദൂരേയ്ക്ക് വലിച്ചെറിഞ്ഞു .

ഞാൻ എല്ലാം മനസ്സിലാക്കി എന്നറിഞ്ഞതും അവർ രണ്ടു പേരും കൂടി എന്നെ ഒരുപാട് തല്ലി സൈൻ ചെയ്തില്ല എങ്കിൽ കൊന്ന് കളയുമെന്ന് പറഞ്ഞ ശേഷം എന്നെ മുറിയിൽ പൂട്ടിയിട്ടു . ഭക്ഷണം പോലും തരാതെ എന്നെ പട്ടിണിയ്ക്കിട്ടു ….

അന്ന് രാത്രി അവർ രണ്ട് പേരും വീട്ടിൽ ഇല്ലായിരുന്നു . എന്നെ പൂട്ടിയിട്ടിരുന്ന റൂമിന്റെ മറ്റൊരു കീ എന്റെ കയ്യിൽ ഉണ്ടായിരുന്നു . അതുപയോഗിച്ച് ഡോറ് തുറന്ന് വീട്ടിൽ കാവൽ നിൽക്കുന്നവരുടെ കണ്ണ് വെട്ടിച്ചാണ് ഞാൻ പുറത്തേയ്ക്ക് ഇറങ്ങി ഓടിയത് …

എത്ര ദൂരം ഓടിയെന്ന് അറിയില്ല പക്ഷെ അപ്പോഴേയ്ക്കും ഞാൻ രക്ഷപ്പെട്ടു എന്നറിഞ്ഞ അവർ എന്നെ തേടി പുറകെ വന്നു എന്നെ തിരികെ പിടിച്ച് കൊണ്ട് പോകാൻ ശ്രമിച്ചു . അവരുടെ കയ്യിൽ നിന്ന് രക്ഷപ്പെട്ട് ഓടുമ്പോഴാ ഏട്ടൻ വന്നതും എന്നെ രക്ഷപ്പെടുത്തിയതും ഇന്ന് ഇവിടെ നിൽക്കുന്നതും . ”

ദിയ എന്നോട് അവളുടെ പാസ്റ്റ് പറഞ്ഞ ശേഷം തന്റെ മുഖത്ത് കൂടി ഒഴുകിയിറങ്ങുന്ന കണ്ണുനീർ തുള്ളികൾ തുടയ്ച്ച് മാറ്റി . അവളുടെ കഥ കേട്ട് സത്യത്തിൽ എനിക്ക് ഒരു തരം മരവിപ്പാണ് അനുഭവപ്പെട്ടത് …