? ദിയ – 3 ? [ ചെകുത്താനെ സ്നേഹിച്ച മാലാഖ ] 706

” അല്ലെടാ അവിടെ നിനക്ക് തെറ്റി …. അവളെ വിളിച്ച് സത്യങ്ങൾ വെളിപ്പെടുത്തിയ ആ വ്യക്തി , അയാൾ അവളെ നല്ലപോലെ അറിയാവുന്ന ആരോ ആണ് . അവളുമായി നേരിട്ടോ അല്ലെങ്കിൽ ഫോണിലൂടെയോ കൂടുതലായി കമ്യൂണിക്കേറ്റ് ചെയ്താൽ വിളിച്ചയാൾക്കും ദിയയ്ക്കും ആപത്താണെന്ന് വിളിച്ചയാൾക്ക് നല്ല ഉറപ്പുണ്ട് . അതു കൊണ്ടാണ് ഒറ്റ ഫോൺ കോളിൽ അയാൾ സത്യങ്ങളെല്ലാം അവളെ അറിയിച്ചത് അതും ഒരു മുൻകരുതലിനായി .

അയാൾ നൽകിയിരിക്കുന്ന ഒരേ ഒരു ക്ലു ആ ഫോൺ നമ്പറാണ് . ദിയ അയാളെ തേടി ചെല്ലണമെന്ന് കരുതിയാണ് അയാൾ വിളിച്ചതെങ്കിൽ സിമ്മിന്റെ ഡീറ്റൈയിൽസിൽ അയാളുടെ ശരിയായ വിവരങ്ങൾ ഉണ്ടാകും . എന്റെ തോന്നൽ ശരിയാണെങ്കിൽ ദിയയുടെ അച്ഛൻ അവളുടെ പേരിൽ സ്വത്ത് എഴുതി വച്ചതിന്റെ ഡോക്യുമെൻസ് അയാളുടെ പക്കൽ ഉണ്ടാകും . ദിയയുടെ അച്ഛന് അത്രയും വിശ്വാസമുള്ള ആ വ്യക്തി , ആദൃശ്യനായി നിന്ന് അവളെ സഹായിക്കുന്ന ആ വ്യക്തി , ആ ഫോൺ കോളിന്റെ ഉടമ അയാളെ കണ്ടെത്തിയാലെ ഇനി മുന്നോട്ട് പോകാൻ പറ്റൂ ..”

ഞാൻ അനൂപിനോട് പറഞ്ഞു .

” നീ പറഞ്ഞതു പോലെയാണെങ്കിൽ കാര്യങ്ങൾ കുറച്ച് കൂടി എളുപ്പമാകും … എന്തായാലും നിന്റെ തിയറി ഇത്ര പെട്ടെന്ന് പ്രാക്ടിക്കലാകുമെന്ന് ഞാൻ കരുതിയില്ല . ”

അനൂപ് ഒരു പുഞ്ചിരിയോടെ പറഞ്ഞു .

“ഏത് തിയറി ? ”

കാര്യം മനസ്സിലാകാത്തതു കൊണ്ട് ഞാനവനോട് ചോദിച്ചു .