? ദിയ – 2 ? [ചെകുത്താനെ സ്നേഹിച്ച മാലാഖ] 696

” ഇതെന്ത് കുരുക്ഷേത്ര ഭൂമിയോ .. ”

ഞാൻ മനസ്സിൽ വിജാരിച്ചു ….

എന്റെ പുറകേ വന്ന അമ്മയും ദിയയും ഇതൊകെ കണ്ട് പേടിച്ച് നിൽക്കുന്നതാണ് ഞാൻ കണ്ടത് … ദിയ പേടിയോടെ എന്റെ പുറകിൽ ഒളിക്കാൻ ശ്രമിച്ചു … ഞാനവളുടെ കയ്യിൽ പിടിച്ച് എല്ലാവരും കാൺകെ എന്റെ അടുത്ത് നിർത്തി … അവൾ ഭയത്തോടെ എന്റെ മുഖത്തേയ്ക്ക് നോക്കിയതും ഞാൻ പേടിക്കണ്ട എന്ന അർത്ഥത്തിൽ കണ്ണുകളടച്ച് കാണിച്ചു ഒപ്പം അവളുടെ ഇടതു കയ്യിൽ ഞാൻ മുറുക്കെ പിടിച്ചു … പേടി കൊണ്ട് അവളുടെ കൈ വിറയ്ക്കുന്നത് ഞാനറിഞ്ഞു …

” അജൂ ഇവര് ”

അൽപ്പം ഭയത്തോടെ രാഘവേട്ടൻ പറഞ്ഞു …

” മനസ്സിലായി രാഘവേട്ടാ …… ഏട്ടൻ പൊയ്ക്കോ ഇത് ഞാൻ ഡീല് ചെയ്തോളാം …. ”

ഞാൻ രാഘവേട്ടനോട് പറഞ്ഞു ….

ഉടനെ …

ആ Bmw കാറിനുള്ളിൽ നിന്ന് എക്സിക്യുട്ടീവ് ഡ്രെസ് ധരിച്ച മധ്യവയസ്കനായ ഒരാൾ പുറത്തേയ്ക്ക് ഇറങ്ങി . അയാൾ ഞങ്ങളെ തന്നെ നോക്കി കാറിന്റെ അടുത്ത് നിന്നു …. അയാളുടെ കണ്ണുകളിൽ തീ പോലെ പകയും ദേഷ്യവും കത്തി ജ്വലിക്കുന്നത് ഞാൻ കണ്ടു ….

” നീയാണോ അജയ് ശങ്കർ ? ”

S I എന്നെ നോക്കി ചോദിച്ചു .

” അതെ സർ , ഞാനാണ് അജയ് ശങ്കർ ”

ഞാൻ മറുപടി പറഞ്ഞു …