? ദിയ – 2 ? [ചെകുത്താനെ സ്നേഹിച്ച മാലാഖ] 696

അമ്മ അത് പറഞ്ഞപ്പോഴാണ് ആ കാര്യം ഞാനും ഓർത്തത് …

” അമ്മ പൊയ്ക്കോ ഞാൻ വരാം …. ”

അമ്മ പുറത്തേയ്ക്ക് പോയതും ഞാൻ ഡ്രസ് മാറി റൂമിന് പുറത്തേയ്ക്ക് ഇറങ്ങി . ഹാളിലെ സെറ്റിയിൽ തന്നെ സങ്കടഭാവത്തോടെ ദിയയും ഒപ്പം അമ്മയും ഉണ്ടായിരുന്നു …..

” ദിയേ ….. എണീറ്റ് മുഖം കഴുകീട്ട് വാ …. ”

ഞാനതും പറഞ്ഞ് വീടിന് പുറത്തേയ്ക്ക് ഇറങ്ങി .. വീടിന്റെ മുന്നിൽ ഇരുന്ന അച്ഛന്റെ പഴയ ബുള്ളറ്റിൽ കയറി സ്റ്റാർട്ടാക്കി …. അപ്പോഴേയ്ക്കും ദിയയും അമ്മയും പുറത്ത് വന്നു …

” എവിടേയ്ക്കാ …. ”

അവൾ ഉടനെ പതിഞ്ഞ സ്വരത്തിൽ ചോദിച്ചു …

” തനിക്ക് പോകണം എന്നല്ലേ പറഞ്ഞത് . പറ്റിയ സ്ഥലം കണ്ടാൽ തന്നെ അവിടെ വിട്ടേയ്ക്കാം … സംസാരിച്ച് സമയം കളയാതെ കയറ് …. ”

ഞാൻ ബുള്ളറ്റിൽ അൽപം ആക്സിലേറ്റർ കൊടുത്തു കൊണ്ട് പറഞ്ഞു .

” അജൂ …. നിന്റെ തമാശ കുറച്ച് കൂടുന്നുണ്ട് … അവൻ വെറുതെ പറഞ്ഞതാ മോള് പോയിട്ട് വാ ….. ”

അമ്മ ഉടനെ അവളോട് പറഞ്ഞു …
അൽപ്പം ടെൻഷനോടെ അവൾ ബുള്ളറ്റിന്റെ പുറകിൽ കയറിയ ശേഷം കൈ എന്റെ തോളിൽ വച്ചു . ഞാൻ ബുളളറ്റ് മുന്നോട്ടെടുത്തു ….

അവളൊന്നും എന്നോട് സംസാരിച്ചില്ല , ഒരു തരം മൂഖത . അതുകൊണ്ട് ഞാനും അങ്ങോട്ട് ഒന്നും പറയാനും പോയില്ല …. തിരക്ക് കുറഞ്ഞ റോഡിലൂടെ അത്യാവശ്യം സ്പീഡിൽ ബുള്ളറ്റ് മുന്നോട്ട് കുതിച്ചു ….