? ദിയ – 2 ? [ചെകുത്താനെ സ്നേഹിച്ച മാലാഖ] 696

” അല്ല മോനോ സ്വന്തം വീട്ടിലുള്ളവർ തന്നെ അവളെ കൊല്ലാൻ ശ്രമിച്ചു എന്ന് പറഞ്ഞാൽ … നീ കാരണം തിരക്കിയോ … ? ”

അമ്മ അൽപ്പം ആവലാതിയോടെ ചോദിച്ചു …

” അമ്മ അവളുടെ മുഖം ശ്രദ്ധിച്ചോ ? ഇപ്പൊ തന്നെ പേടിച്ചരണ്ട് ഇരിക്കുവാ …. ഇതിനിടയിൽ അവളോട് എങ്ങനെ ചോദിക്കാനാ … ? അവളാദ്യം ആ ഷോക്കിൽ നിന്ന് റിക്കവറാകട്ടെ , എന്നിട്ട് സാവധാനം ചോദിക്കാം …. ഇനി അമ്മ പറ ഞാൻ ചെയ്തതിൽ എന്തെങ്കിലും തെറ്റുണ്ടോ … ”

ഞാൻ അമ്മയോട് ചോദിച്ചു ….

” നിനക്ക് നിന്റെ അച്ഛന്റെ അതേ സ്വഭാവം തന്നെയാ കിട്ടിയിട്ടുള്ളത് അതാ ഇങ്ങനെ , നീ അവളെ വഴിയിൽ ഇറക്കി വിട്ടിട്ടാണ് വന്നിരുന്നെങ്കിൽ അത് പൊറുക്കാൻ പറ്റാത്ത തെറ്റായേനെ ……. ”

അമ്മ അതും പറഞ്ഞ് ദിയയുടെ അടുത്തേയ്ക്ക് നടന്നു …

” മോള് പേടിക്കണ്ട …. പ്രശ്നങ്ങൾ തീരുന്നത് വരെ മോൾക്ക് ഇവിടെ നിൽക്കാം ….. ഇത് സ്വന്തം വീടെന്ന് കരുതിയാൽ മതി ….. ”

അമ്മ ദിയയോട് പറഞ്ഞു …

” അങ്ങനെ തീരുന്ന പ്രശ്നങ്ങളല്ല ആന്റീ എനിക്കുള്ളത് …. ”

അവൾ വിഷമത്തോടെ പറഞ്ഞു …

“എന്ത് പ്രശ്നമായാലും അവൻ നോക്കിക്കോളും മോള് വിഷമിക്കണ്ട …. ”

അമ്മ അതും പറഞ്ഞ് അവളുടെ തലമുടി തഴുകി .

” അമ്മാ….. ഞാനൊന്ന് കിടക്കട്ടെ നല്ല ഉറക്ക ക്ഷീണമുണ്ട് ….. ഉക്കം തെളിയുമ്പോ ഞാനെണീറ്റ് വന്നോളാം , കുത്തിയിളക്കാൻ മാതാശ്രീ നേരം പുലരുമ്പോ അങ്ങോട്ട് വരണ്ട … കുറേ ദൂരം വണ്ടി ഓടിച്ചതാ …. ”