? ദിയ – 2 ? [ചെകുത്താനെ സ്നേഹിച്ച മാലാഖ] 696

ഇവൾ പ്രായപൂർത്തിയായ ഒരു പെൺകുട്ടിയാണ് . സ്വന്തമായി തീരുമാനം എടുക്കാൻ നിയമപരമായി അവകാശം ഉള്ളവൾ , എവിടെ നിൽക്കണമെന്നും ആരോടൊപ്പം തമസിക്കണമെന്നും തീരുമാനിക്കാനുള്ള അവകാശവും സ്വാതന്ത്ര്യവും ഇവൾക്കുണ്ട് . ഇവൾക്ക് സമ്മതമാണെങ്കിൽ നിങ്ങൾക്ക് ഇവളെ കൊണ്ട് പോകാം അല്ലാതെ ബലപ്രയോഗമോ അതികാരത്തിന്റെ പവറോ കാണിക്കാൻ നിന്നാൽ ഈ അജയ് ശങ്കർ ആരാണെന്ന് നിങ്ങളറിയും … ”

ഞാൻ ഉറച്ച വാക്കുകളിൽ ഉച്ചത്തിൽ പറഞ്ഞു ….

” നീ എന്ത് കാണിക്കുമെന്നാ ഈ പറയുന്നേ , അല്ല നീ ഞങ്ങളെ നിയമം പഠിപ്പിക്കാറായോ …. ”

ഉടനെ S I പരിഹാസ രൂപേണ ചോദിച്ചു ..

” നിയമം അറിയില്ല എങ്കിൽ പഠിക്കണം സർ . പക്ഷെ സാറിനെ നിയമം പഠിപ്പിക്കാൻ ഞാനാളല്ല . അതിന് വേറെ ഒരാളെ ഞാൻ സാറിന് പരിചയപ്പെടുത്തി തരാം . ”

ഞാനതും പറഞ്ഞ് എന്റെ പോക്കറ്റിൽ കിടന്ന ഫോൺ എടുത്ത് S I യ്ക്ക് നേരെ നീട്ടി ….

” സാറ് പറഞ്ഞതൊക്കെ കേട്ടോണ്ട് ഒരാൾ ഈ ഫോണിന്റെ മറുവശത്തുണ്ട് … സാറിന് ചിലപ്പോൾ അറിയാവുന്ന ആളായിരിക്കും , ഒന്ന് സംസാരിച്ച് നോക്ക് . പുള്ളി വ്യക്തമായി സാറിന് നിയമവും വകുപ്പും എല്ലാം പറഞ്ഞ് തരും .”

ഞാനതും പറഞ്ഞ് ഫോൺ S I യ്ക്ക് നേരെ നീട്ടി …. അയാൾ ദേഷ്യത്തോടെ ഫോൺ വാങ്ങി ചെവിയിൽ വച്ചു.

” ഹലോ …. നിങ്ങൾ ആരാ ? ”

S I ദേഷ്യത്തിൽ ഫോണിലൂടെ ചോദിച്ചു .