? ദിയ – 2 ? [ചെകുത്താനെ സ്നേഹിച്ച മാലാഖ] 696

” ഇതൊ … ? ഇവളുടെ പേര് ദിയ . തിരികെ വന്നപ്പോ വഴിയിൽ നിന്ന് കളഞ്ഞ് കിട്ടിയതാ …. ”

ഞാൻ ഒരു പുഞ്ചിരിയോടെ അമ്മയോട് പറഞ്ഞ ശേഷം സെറ്റിയിൽ ചെന്നിരുന്നു ….

” അജൂ …. ചുമ്മാ തമാശ പറയാതെ സത്യം പറയടാ ? വഴിയിൽ നിന്ന് കളഞ്ഞ് കിട്ടാൻ ഇതെന്താ പൂച്ച കുഞ്ഞൊ പട്ടി കുട്ടിയോ വല്ലതുമാണോ ? ”

അമ്മ എന്നോട് ഗൗരവത്തോടെ ചോദിച്ചു . ഞങ്ങളുടെ സംസാരമൊക്കെ കേട്ട് ഒരൽപം പരിഭ്രമത്തോടെ നിൽക്കുകയാണ് ദിയ ….

” ആ എങ്കിൽ സത്യം പറയാം . ഇതെന്റെ ഭാര്യയാ , ഇന്നലെയായിരുന്നു ഞങ്ങളുടെ വിവാഹം … ഇവളെ കെട്ടാനാ ഞാൻ അമ്മയോട് കള്ളം പറഞ്ഞ് ഇന്നലെ ഇവിടെ നിന്ന് പോയത് … എങ്ങനെയുണ്ടമ്മാ മരുമോള് , കൊള്ളാമോ ? ”

ഞാൻ ചിരിച്ചു കൊണ്ട് അമ്മയോട് ചോദിച്ചു . എന്റെ വാക്കുകൾ കേട്ട് ഞെട്ടി എന്നെ കണ്ണും മിഴിച്ച് നോക്കി നിൽക്കുകയാണ് ദിയ … ഞാൻ അവളെ നോക്കി വെറുതെ എന്ന അർത്ഥത്തിൽ കണ്ണടച്ച് കാണിച്ചു …

” എടാ മോനേ വിശ്വസിക്കാൻ പറ്റുന്ന നുണ പറയെടാ …. ”

അമ്മ ഒരു പുഞ്ചിരിയോടെ പറഞ്ഞു .

” എന്റെ മാതാശ്രീ ഇങ്ങ് വന്നേ …. ”

ഞാൻ അമ്മയെ മാറ്റി നിർത്തി നടന്ന കാര്യങ്ങൾ ഒക്കെ പറഞ്ഞ് കൊടുത്തു ….

” അമ്മേ …… ഇനി പറ ഞാനിവളെ വഴിയിൽ ഇറക്കി വിട്ടിട്ട് വരണമായിരുന്നോ ….. ? ”

ഞാൻ അമ്മയോട് ചോദിച്ചു …..