? ദിയ – 2 ? [ചെകുത്താനെ സ്നേഹിച്ച മാലാഖ] 696

” ദാ …. ഇതാണ് . ഇതുപോലെ സന്തോഷത്തോടെ ഇരിക്കാതെ എല്ലാത്തിനും കരയാൻ നിന്നാൽ അതിനെ സമയം കിട്ടൂ …. ”

ഞാൻ അവളോട് പറഞ്ഞു . അപ്പോഴേയ്ക്കും ലിഫ്റ്റ് ഞങ്ങളെയും കൊണ്ട് മൂന്നാമത്തെ ഫ്ളോറിൽ എത്തിക്കഴിഞ്ഞിരുന്നു . ആ ഫ്ളോറിലുള്ള ഏറ്റുവും വലിയ ഒരു ടെക്സ്റ്റൈൽ ഷോപ്പിൽ ഞങ്ങൾ കയറി .

” തനിക്ക് ഇപ്പോൾ മനസ്സിലായല്ലോ എന്തിനാ ഇവിടെ വന്നതെന്ന് …. ആവശ്യത്തിനുള്ള എല്ലാ ഡ്രെസ്സും എടുത്തോണം , വീട്ടിലിടാനും പുറത്തിടാനും . ഇനി അതിനും വെറുതെ ഫോർമാലിറ്റി നോക്കാൻ നിന്നാൽ എന്റെ സ്വഭാവം മാറും . പോയി നോക്കി ഇഷ്ടമുള്ളത് എടുക്ക് …. ”

ഞാൻ അവളോട് പറഞ്ഞു . അവൾ ഒന്നും മറുത്ത് പറയാതെ അനുസരണയുള്ള കുട്ടിയെ പോലെ കേട്ട് നിന്നു .

” പിന്നെ ഒന്നോ രണ്ടോ ജോഡിയല്ല കൂടുതൽ എടുത്തോണം ആവശ്യമുള്ള എല്ലാ ഡ്രെസ്സും ഇല്ലെങ്കിൽ ഞാൻ അങ്ങോട്ട് വരും . കേട്ടോ …. ”

ഞാൻ പറഞ്ഞതും അവൾ അതെ എന്നർത്ഥത്തിൽ തലയാട്ടിയ ശേഷം സ്ത്രീകളുടെ സെക്ഷനിലേയ്ക്ക് നടന്നു …. ഞാൻ നേരെ അവിടെയുള്ള ചെയറിൽ കയറിയിരുന്ന ശേഷം ഫോൺ കയ്യിലെടുത്തു . എന്നിട്ട് നീരജ് കുമാർ എന്ന് സേവ് ചെയ്തിരിക്കുന്ന നമ്പറിലേയ്ക്ക് കോൾ ചെയ്തു …..

” ഹലോ …. ടാ …. ”

ഞാൻ ഫോണിലൂടെ വിളിച്ചു ….

” ആ എന്തായി അജു …. വന്നവരൊക്കെ വാലും മടക്കി പോയോ …. ”

ഒരു ചിരിയോടെ അവൻ ചോദിച്ചു ….