? ദിയ – 2 ? [ചെകുത്താനെ സ്നേഹിച്ച മാലാഖ] 696

അവൾക്കിട്ട് ഇങ്ങനെ ഒരു പണി കൊടുക്കാൻ പറ്റുമെന്ന് സ്വപ്നത്തിൽ പോലും കരുതിയില്ല …. ദിയേ , ഒത്തിരി നന്ദി . കുറെ ദിവസത്തിന് ശേഷം എനിക്കൊന്ന് മനസ്സ് നിറഞ്ഞ് ചിരിക്കാൻ പറ്റി .”

ഞാനതും പറഞ്ഞ് ബുള്ളറ്റിൽ കയറി സ്റ്റാർട്ട് ചെയ്തു …. ദിയ പുറകിൽ കയറിയതും ഞാൻ ബുള്ളറ്റ് മുന്നോട്ടെടുത്തു . കാർമേഘം മൂടി കെട്ടിയ അന്തരീക്ഷമായിരുന്നു മുഴുവൻ . കുറച്ച് ദൂരം മുന്നോട്ട് പോയതും മഴ പെയ്യാൻ തുടങ്ങി ….

തൊട്ടടുത്ത് കണ്ട വെയിറ്റിങ് ഷെഡിന് ഓരത്തായി ബുള്ളറ്റ് നിർത്തിയ ശേഷം ഞാനും ദിയയും ആ വെയിറ്റിങ് ഷെഡിനുള്ളിലേയ്ക്ക് ഓടി കയറി . മറ്റാരും അവിടെ ഉണ്ടായിരുന്നില്ല …. ഞാൻ അതിനുള്ളിലെ കോൺക്രീറ്റ് കെട്ടിൽ കയറി ഇരുന്നു , തൊട്ടടുത്തായി ദിയയും …
പുറത്ത് മഴ തകർത്ത് പെയ്യുകയാണ് .

” ചേട്ടാ …. നിങ്ങൾ എങ്ങനെയാ ബ്രേക്ക് അപ്പ് ആയത് …. ? ”

ഇടയക്ക് ദിയ എന്നോട് ചോദിച്ചു …. അവളുടെ കണ്ണുകളിൽ അതറിയാനുള്ള ആകാംഷ ഉണ്ടായിരുന്നു …

” അതൊരു വലിയ കഥയാ … അത് അറിയണമെങ്കിൽ എന്റെ ജീവിതം മുഴുവൻ പറയേണ്ടി വരും . ”

ഞാൻ ചിരിച്ച് കൊണ്ട് പറഞ്ഞു …

” മഴ ഇപ്പോഴൊന്നും തീരുമെന്ന് തോന്നുന്നില്ല …. ഒരു കഥ പറയാനുള്ള സമയം കിട്ടും … ”

അവൾ ഒരു പുഞ്ചിരിയോടെ പറഞ്ഞു …

” താൻ ആള് കൊള്ളാമല്ലോ ….. ഒക്കെ ഞാൻ പറയാം പക്ഷെ ഞാൻ എപ്പോൾ ചോദിക്കുന്നുവോ അപ്പോ താൻ നേരിടുന്ന പ്രശ്നമെന്തെന്ന് താനും എന്നോട് പറയണം . ”

ഞാൻ അവളോട് പറഞ്ഞു …