? ദിയ – 2 ? [ചെകുത്താനെ സ്നേഹിച്ച മാലാഖ] 696

ആദ്യമൊക്കെ അമൃത വിളിക്കുമായിരുന്നു പക്ഷെ ഞാനിനി നാട്ടിൽ നിന്ന് മടങ്ങില്ലെന്നും , സിവിൽ സർവീസ് ഉപേക്ഷിച്ചുവെന്നും അറിഞ്ഞതോടു കൂടി അവള് ഫോൺ വിളിയും ഇല്ല ഒന്നുമില്ല … അങ്ങോട്ട് വിളിക്കുമ്പോൾ എടുക്കാറുമില്ല , പിന്നീട് സ്വിച്ച് ഓഫും .

ഒടുവിൽ നീരജാ എന്നോട് പറഞ്ഞത് ജോലിയും കൂലിയും ഇല്ലാത്ത എന്നെ അവൾക്ക് വേണ്ട എന്ന് … അവൾക്ക് വേണ്ട എന്നറിഞ്ഞ ആ നിമിഷം ഞാനും ആ ചാപ്റ്റർ ക്ലോസ്സ് ചെയ്തു …. പിന്നെ വിളിയും ഇല്ല കമ്യൂണിക്കേഷനും ഇല്ല . രണ്ടര വർഷത്തിന് ശേഷം ദൈവം അവളെ കൺമുന്നിൽ എത്തിച്ചപ്പോ ഇതു പോലൊരു സുഖമുള്ള പണി കൊടുക്കാൻ കഴിയുമെന്ന് വിജാരിച്ചില്ല ….. ”

ഞാനതും പറഞ്ഞ് ദിവ്യയുടെ മുഖത്തേയ്ക്ക് നോക്കി . കക്ഷി ഒരു പുഞ്ചിരിയോടെ എന്നെ തന്നെ നോക്കി ഇരിക്കുകയാണ് .

“ചേട്ടന് അച്ഛനെ കുറിച്ച് ഓർത്ത് ഇപ്പോ വിഷമമില്ലേ …?”

അവൾ സങ്കടത്തോടെ എന്നോട് ചോദിച്ചു .

” ആദ്യമൊക്കെ ഒരുപാട് കരഞ്ഞു … പിന്നെ പിന്നെ കരയാനും കഴിയാത്ത അവസ്ഥയായി . നാട്ടുകാരുടെ മനസ്സിൽ ഇപ്പോഴും അച്ഛൻ ഉണ്ട് , അതവരുടെ വാക്കുകളിലൂടെ അറിയുമ്പോൾ അച്ഛൻ മരിച്ചു എന്ന് വിശ്വസിക്കാൻ എനിക്ക് തോന്നുന്നില്ല … ഉണ്ടായിരുന്ന കാലത്ത് തന്ന സ്നേഹം മതിയല്ലോ ജീവത കാലം മുഴുവൻ ഓർക്കാൻ … ”

ഞാൻ ഒരു പുഞ്ചിരിയോടെ ദിയയോട് പറഞ്ഞു .

” പിന്നെ ദിയേ എനിക് ഒരു സുഹൃത്തുണ്ട് അനൂപ് അവന് ഈ അമൃതയുടെ കാര്യമൊന്നും അറിയില്ല . താനായിട്ട് പറഞ്ഞ് എന്നെ നാറ്റിക്കരുത് ..”