? ദിയ – 2 ? [ചെകുത്താനെ സ്നേഹിച്ച മാലാഖ] 696

ഇടയ്ക്ക് സൈഡ് മിററിലൂടെ നോക്കിയുപ്പോൾ സങ്കടം നിറഞ്ഞ മുഖഭാവത്തിൽ ചുറ്റുമുള്ള കാഴ്ചകൾ കണ്ടിരിക്കുകയാണ് കക്ഷി …. ബുള്ളറ്റ് നേരെ സിറ്റിയിലുള്ള ഒരു മാളിന്റെ അണ്ടർ ഗ്രൗണ്ട് പാർക്കിങ്ങിലേയ്ക്ക് ഞാൻ കയറ്റി …. ടൂവീലർ സെക്ഷനിൽ ബുള്ളറ്റ് പാർക്ക് ചെയ്ത് ഞാനും ദിയയും ലിഫ്റ്റിന്റെ അടുത്തേയ്ക്ക് നടന്നു …

” എന്താ … ഇവിടെ ..? ”

ലിഫ്റ്റിൽ കയറിയതും അവൾ ഒരു മടിയോടെ ചോദിച്ചു ….

” പറയാം …. ”

ഞാൻ മറുപടി പറഞ്ഞു …

” ദിയേ ….. തന്റെ ഈ മുഖത്തിന് ഈ സങ്കടം നിറഞ്ഞ വിഷാദ ഭാവം ഒട്ടും ചേരില്ല …. അതുകൊണ്ട് മനസ്സിലുള്ള സങ്കടമെല്ലാം മായ്ച്ച് കളഞ്ഞിട്ട് ഹാപ്പിയായിരിക്കണം … താൻ എനിക്കും അമ്മയ്ക്കും ഒരു ബാധ്യതയല്ല , അത് താൻ ആദ്യം മനസ്സിലാക്കണം … തന്റെ ജീവിതത്തിൽ താൻ നേരിടുന്ന പ്രശ്നം പരിഹരിക്കപ്പെടുന്നത് വരെ തനിക്ക് ഞങ്ങളോടൊപ്പം നിൽക്കാം , എന്നെക്കൊണ്ട് കഴിയുന്ന രീതിയിൽ തന്റെ പ്രശ്നം ഞാൻ പരിഹരിക്കാനും ശ്രമിക്കാം ….

തൽക്കാലം അതൊക്കെ പിന്നീട് നോക്കാം . താൻ ആ കാര്യങ്ങൾ ആലോചിച്ച് വെറുതെ എന്തിനാ ഇപ്പോൾ ടെൻഷനടിക്കുന്നേ …. ഒരു ലൈഫെ ഉള്ളൂ ഈ ഭൂമിയിൽ , അതുകൊണ്ട് ഉള്ള സമയം ഹാപ്പിയായിരിക്കണം എന്നെപ്പോലെ , ഓക്കെ … ഇനി തന്റെ ഈ സങ്കടം നിറഞ്ഞ മുഖം കണ്ടാൽ സത്യമായിട്ടും തന്നെ ഞാൻ എവിടേലും കൊണ്ട് കളയും നോക്കിക്കോ ….. ”

ഞാൻ അവളോട് പറഞ്ഞു … അത് കേട്ടതും അവൾ ഒന്ന് പുഞ്ചിരിച്ചു …