? ദിയ – 2 ? [ചെകുത്താനെ സ്നേഹിച്ച മാലാഖ] 696

” മ് …. വാ … ”

ഞങ്ങൾ നേരെ ബിൽ സെക്ഷനിലേയ്ക്ക് നടന്നു … ബില്ല് പേ ചെയ്ത് ഡ്രെസ് പാക്ക് ചെയ്ത കവറുകളും എടുത്ത് ഞങ്ങൾ തിരികെ പാർക്കിങ്ങിനടുത്തേയ്ക്ക് നീങ്ങി .

ലിഫ്റ്റിൽ നിന്ന് പാർക്കിങ് ഫ്ളോറിൽ ഇറങ്ങിയപ്പോൾ ദൂരെ നിന്ന് വരുന്ന ആളിനെ കണ്ട് ഞാനൊന്ന് ഞെട്ടി . എന്ത് ചെയ്യണമെന്ന് ഒരു എത്തും പിടിയും കിട്ടാത്ത അവസ്ഥ .

” ദിയേ … ഞാൻ കുറച്ച് കള്ളം പറയും കട്ടയ്ക്ക് എന്റെ കൂടെ നിന്നോണം . ഓവർ റിയാക്ഷൻ ഇട്ട് ചളമാക്കരുത് …. ”

ഞാൻ ഒറ്റ വാക്കിൽ അവളോട് പറഞ്ഞു …

” എന്താ ഏട്ടാ ….?
എനിക്കൊന്നും മനസിലായില്ല . ”

അവൾ ഉടനെ മറുപടി പറഞ്ഞു …

” താൻ എന്റെ കൂടെ കട്ടയ്ക്ക് നിന്നാൽ മതി …. ചെറിയ ഒരു ഹെൽപ്പ് … താൻ തന്റെ ആ കൈയിങ്ങ് താ … ”

ഞാനതും പറഞ്ഞ് അവളുടെ വലത് കൈ എന്റെ ഇടത് കൈ കൊണ്ട് വിരലുകൾ തമ്മിൽ കോർത്ത് മുറുക്കെ പിടിച്ചു . ഒന്നും മനസ്സിലാകാതെ ദിയ എന്നെ നോക്കിയ ശേഷം ഞാൻ നോക്കുന്ന ദിശയിലേയ്ക്ക് കണ്ണോടിച്ചു . എന്റെ നോട്ടം ദൂരെ നിന്ന് നടന്ന് വരുന്ന ഒരു പെൺകുട്ടിയിലാണെന്ന് മനസ്സിലായതും കാര്യമെന്തെന്ന് അറിയാൻ അവൾ ആകാംഷയോടെ കാത്തിരുന്നു … ഞങ്ങൾ ഇരുവരും കൈകൾ കോർത്ത് പിടിച്ച് മുന്നോട്ട് നടന്നു …

” ഹായ് അജു ….. ”

എതിരെ നിന്ന് വന്ന പെൺകുട്ടി എന്നെ കണ്ടതും ഉടനെ എന്നെ വിളിച്ചു …