? അരികത്തായാരോ – 1? വിച്ചു [ ചെകുത്താനെ സ്നേഹിച്ച മാലാഖ ] 761

“ഹമ് സന്തോഷം ! പ്ലസ്ടു കഴിഞ്ഞതോടെ ഞാൻ രക്ഷപ്പെട്ടന്നാ കരുതിയത് . അതാ നിന്റെ കണ്ണിൽപ്പെടാതെ രണ്ട് മൂന്ന് ജില്ല മാറി വന്ന് ഇവിടെ അഡ്മിഷൻ എടുത്തത് . നീ നാട്ടിൽ അഡ്മിഷൻ എടുത്തു എന്നറിഞ്ഞപ്പോ ഞാൻ സന്തോഷിച്ചു . പക്ഷെ ഒരു വർഷം കഴിഞ്ഞ് ഇപ്പൊ എന്തിനാടാ എന്നെ ഫോളോ ചെയ്ത് ഇവിടേയ്ക്ക് വന്നത് ? ”

ദയനീയ ഭാവത്തോടെ അവൻ ചോദിച്ചു .

” നീ …. നീ തന്നെ ഇത് ചോദിക്കണം . നീ എന്റെ ബെസ്റ്റ് ഫ്രണ്ടാ …. പക്ഷെ നിനക്കങ്ങനയല്ല എന്ന് എനിക്കിപ്പോ മനസ്സിലായി . ”

ഞാൻ വെറുതെ സങ്കടം നിറഞ്ഞ ഭാവത്തോടെ പറഞ്ഞു .

” ബെസ്റ്റ് ഫ്രണ്ട് …. നിന്റെ കൂടെ നടന്ന രണ്ട് വർഷം വല്ലവന്റേം കയ്യിൽ നിന്ന് അടികൊണ്ട് ചത്തില്ലന്നേ ഉള്ളൂ …… ബാക്കി ഉള്ള ജീവനും കൊണ്ടാ ഞാൻ പ്ലസ്ടു കഴിഞ്ഞതും അവിടെ നിന്ന് എസ്കേപ്പായി ഇങ്ങോട്ട് വന്നത് … പക്ഷെ നീ ….. നീ പിന്നേം വന്നില്ലേ , എന്റെ പുക കണ്ടേ നീ അടങ്ങു അല്ലേ …. വല്ലവന്റേം അടി കൊണ്ട് ചാവാനാകും എന്റെ തലേലെഴുത്ത് …. ”

അവൻ ഒരു ദീർഘ നിശ്വാസം വിട്ടുകൊണ്ട് പറഞ്ഞു .

” നിനക്കെന്നോട് ദേഷ്യമാണല്ലേ ? ഞാൻ ഇപ്പൊ നിനക്ക് ശല്യവും …. എന്നാൽ ഞാൻ വേറെ എങ്ങോട്ടെങ്കിലും പൊയ്ക്കോളാം …. അല്ലെങ്കിലും ആർക്കും വേണ്ടാത്തവനാണല്ലോ ഞാൻ …. ”

ഞാനതും പറഞ്ഞ് മുന്നോട്ട് നോക്കി ഇരുന്നു . മനസ്സിലെവിടെയോ മായാതെ കിടക്കുന്ന പല അനുഭവങ്ങളും അപ്പോൾ എന്റെ ഓർമ്മയിലേയ്ക്ക് കയറി വന്നു ….