? അരികത്തായാരോ – 1? വിച്ചു [ ചെകുത്താനെ സ്നേഹിച്ച മാലാഖ ] 762

അവളുടെ മുഖം കണ്ടതും ഞാനറിയാതെ എന്റെ വലത് കൈ ഇടത് കവളിൽ വച്ച് പോയി . അവൾ നേരെ നടന്ന് ഞാനിരിക്കുന്ന ബഞ്ചിലെ അതേ നിരയിലുള്ള തൊട്ടപ്പുറത്തെ ഒരു ബെഞ്ചിൽ പോയി ഇരുന്നു . ഞാൻ അവൾ എന്നെ കാണാത്ത വിധം മുഖം യദുവിന് നേരെ തിരിച്ചിരുന്നു .

” ദൈവമേ …. ….
ഇവൾ ഇവിടെയാണോ പഠിക്കുന്നേ ? ”

ഞാനറിയാതെ പറഞ്ഞു .

” എന്താടാ നിനക്ക് ഇവളെ മുന്നേ
അറിയാമോ ….? ”

ഞാൻ പറഞ്ഞതു കേട്ട് യദു എന്നോട് ചോദിച്ചു .

” മ് അറിയാം . ”

” എങ്ങനെ ? ”

അവന്റെ ആ ചോദ്യത്തിന് ഞാൻ ഒരു ദിവസം പുറകിലേയ്ക്ക് പോയി …..

…………………………

” എടാ ഇന്നലെ ഒരു ഉച്ചയോടെയാ ഞാൻ ഇവിടെ എത്തിയത് . ഇവിടെ ബൈക്ക് ആവശ്യമുള്ളതു കൊണ്ട് അതിലാ വന്നത് . നേരെ വന്ന് ഒരു ലോഡ്ജിൽ റൂം എടുത്ത് ഫ്രഷായ ശേഷം ഞാൻ ഒന്ന് കറങ്ങാൻ വേണ്ടി പുറത്തേയ്ക്കിറങ്ങി .

കുറച്ച് സാധനങ്ങൾ വാങ്ങാൻ വേണ്ടി സിറ്റിയിലെ ഒരു ഷോപ്പിംഗ് മാളിന്റെ മുൻപിൽ ബൈക്ക് പാർക്ക് ചെയ്തിട്ട് ഞാൻ മാളിനുള്ളിലേക്ക് കയറി.

താഴത്തെ നിലയിലൊന്ന് കറങ്ങി നടന്ന ശേഷം എസ്കലേറ്റർ വഴി ഞാൻ രണ്ടാം നിലയിലയ്ക്ക് പോയി . ഫോൺ കയ്യിലെടുത്ത് അതിലും നോക്കിയാ മുന്നോട്ട് നടന്നത് .

പെട്ടെന്ന് ശക്തിയായി ഒരു കൈ എന്റെ വലത്തെ തോളിൽ വന്ന് പതിച്ചു. ഞാൻ ഉടനെ അതാരെന്ന് അറിയാൻ തിരിഞ്ഞ് നോക്കി , അത് ഇവളായിരുന്നു . മഞ്ഞ ടോപ്പും ജീൻസുമൊക്കെയായിരുന്നു അവളുടെ അപ്പോഴത്തെ വേഷം . കൈയിൽ ഒരു ഷോപ്പിംഗ് ബാഗുമുണ്ടായിരുന്നു .