💘 അരികത്തായാരോ – 1💘 വിച്ചു [ ചെകുത്താനെ സ്നേഹിച്ച മാലാഖ ] 761

തല ഉള്ളിലേയ്ക്കിട്ടു കൊണ്ട് ഞാൻ വിളിച്ചു … എന്റെ ശബ്ദം കേട്ടതും മിസ്സ് തിരിഞ്ഞ് എന്നെ നോക്കി ഒപ്പം ക്ലാസ്സിലെ മുഴുവൻ കുട്ടികളും . ഒറ്റ നോട്ടത്തിൽ തന്നെ ആ ക്ലാസ്സ് റൂം മുഴുവൻ ഞാൻ ഒന്ന് വീക്ഷിച്ചു … ക്ലാസ്സിൽ കൂടുതലും പെൺകുട്ടികളാണ് . വെറും നാലിലൊരു ഭാഗം മാത്രമേ ആൺകുട്ടികൾ ഉള്ളൂ …..

‘ ഏത് സമയത്താണോ ഇവിടെ അഡ്മിഷനെടുത്ത് … ? അടിച്ച് പൊളിക്കാനുള്ള എല്ലാ മൂഡും പോയി … ‘

അങ്ങനെ ഓരോന്ന് ആലോചിച്ച് നിന്നതും .

” യെസ് . ”

മിസ് അതും പറഞ്ഞ് എന്റെ അടുത്തേയ്ക്ക് വന്നു . ഞാൻ കയ്യിലിരുന്ന പേപ്പർ മിസ്സിന് നേരെ നീട്ടി . മിസ്സ് അതന്റെ കയ്യിൽ നിന്നും വാങ്ങി വായിച്ച് നോക്കി …..

” ഓ …. ന്യൂ അഡ്മിഷനാണല്ലേ ….. അകത്തേയ്ക്ക് വരൂ ….
സ്‌റ്റുഡന്റ്സ് ഇത് അർജുൻ … ന്യൂ അഡ്മിഷനാണ് , പരിചയപ്പെടലൊക്കെ പിന്നീടാകാം , തൽക്കാലം ക്ലാസ്സ് കണ്ടിന്യൂ ചെയ്യാം . അർജുൻ ടേക്ക് യുവർ സീറ്റ് . ”

മിസ്സ് ഒരു പുഞ്ചിരിയോടെ പറഞ്ഞു , ഞാനും മറുപടിയായി ഒന്ന് പുഞ്ചിരിച്ചു . ആൺകുട്ടികൾ ഇരിക്കുന്ന ഭാഗം ഒന്ന് മുഴുവാനായി നോക്കിയ ശേഷം ഞാൻ നേരെ ലാസ്റ്റ് ബെഞ്ച് ലക്ഷ്യമാക്കി നടന്നു …. ക്ലാസ്സിലെ പെൺകുട്ടികളിൽ ചിലരുടെ നോട്ടം എന്നിലേക്കായിരുന്നു , പക്ഷെ ഞാൻ അതൊന്നും മൈന്റ് ചെയ്യാതെ മുന്നോട്ട് നടന്നു , മറ്റൊന്നും കൊണ്ടല്ല വന്ന ദിവസം തന്നെ വായിനോക്കി എന്ന പേര് വാങ്ങണ്ടല്ലോ എന്ന് തോന്നി .