? അരികത്തായാരോ – 1? വിച്ചു [ ചെകുത്താനെ സ്നേഹിച്ച മാലാഖ ] 762

എന്നെ തിരിച്ച് നിർത്തിയതും ഇവള് വലത്തെ കൈ വീശി എന്റെ ഇടത്തെ കരണത്ത് ഒരൊറ്റ അടി .

ആ അടിയിൽ ഞാൻ ഈരേഴു പതിനാലു ലോകവും ഒറ്റ നിമിഷം കൊണ്ട് കണ്ടു. എന്റെ തലയ്ക്കു ചുറ്റും ഒരായിരം പൂമ്പാറ്റകൾ ഒരുമിച്ച് വട്ടമിട്ട് പറക്കുന്ന പോലെയാ അപ്പൊ എനിക്ക് തോന്നിയത് . കണ്ണില് മുഴുവൻ ഇരുട്ട് കയറി അവസ്ഥ . ചെവിയിലാണെങ്കിൽ ഒരു മൂളലു മാത്രം.

ആ അടിയിൽ എന്റെ കയ്യിൽ നിന്നും മൊബൈൽ ഫോണും തറയിൽ പോയി . സമയം വൈകിട്ടായത് കൊണ്ട് ചെറിയ തിരക്കുണ്ടായിരുന്നു , അവിടെ നിന്നവരുടെയെല്ലാം നോട്ടം ഞങ്ങളിലായിരുന്നു . പ്രത്യേകിച്ച് എല്ലാവരും ഞാൻ എന്തോ ചെയ്തത് പോലെ എന്നെ തുറിച്ച് നോക്കിയാ നിന്നത് . ഞാനാണെങ്കിൽ കാര്യമെന്തെന്നറിയാതെ കിളി പോയ അവസ്ഥയിലും . എന്താണ് പ്രശ്നമെന്ന് അവളോട് ചോദിക്കണമെന്നുണ്ടെങ്കിലും ആ ഷോക്കിലും അടിയുടെ വേദനയിലും ഒരുമാതിരി പൊട്ടന്റെ അവസ്ഥയിലായിരുന്നു ഞാൻ .

ഇവളുടെ കൂട്ടുകാരി എന്ന് തോന്നുന്നു ഒരു പെൺകൊച്ച് പെട്ടെന്ന് ഓടി വന്ന് എന്തോ പറഞ്ഞ് ഇവളെയും നിർബന്ധിച്ച് വിളിച്ചോണ്ട് പോയി .

അവിടെ നിന്നവരുടെ നോട്ടം ശരിയല്ല എന്ന് തോന്നിയതും ഞാനുടനെ ഫോണും എടുത്ത് അവിടെ നിന്ന് എസ്കേപ്പായി .

എന്നാലും അവൾ എന്തിനാ എന്നെ തല്ലിയതെന്ന് മാത്രം എത്ര ചിന്തിച്ചിട്ടും മനസ്സിലാകുന്നില്ല .