പ്രണയിനി [മാലാഖയുടെ കാമുകൻ] 2088

മുകളിൽ എത്തി ഒരു ചായ വച്ച് കുളിച്ചു ഒരു ഷോർട്സ് ഇട്ടു വാതിൽ അടക്കാൻ വന്ന ഞാൻ ഞെട്ടി..

കതകിൽ ചാരി ഒരു സ്ത്രീ.. വീണ്ടും നോക്കിയപ്പോൾ ആണ് അത് ജാനറ്റ് ആണ്..

“ജാനറ്റ്???”

ഞാൻ ചായ മേശയിൽ വച്ച് അവളുടെ അടുത്ത് ചെന്നു.. അകെ ഒരു കോലം.. മുടി ചിതറി. ചുണ്ട് പൊട്ടി.. കരഞ്ഞ കണ്ണുകൾ.. കീറിയ ഷർട്ട് മാറി അവളുടെ ഇന്നേഴ്സ് വരെ കാണാം..

ഞാൻ ഞെട്ടി വിറച്ചു.. അവളെ ആരോ എന്തോ ചെയ്തു എന്നെനിക്ക് തോന്നി..
ഞാൻ അവളെ പിടിച്ചു കൗച്ചിൽ ഇരുത്തി..

“ജാനറ്റ്? ആർ യു ഓക്കേ?”

അവൾ നിർവികാരം ആയി എന്നെ ഒന്ന് നോക്കി അതിനു ശേഷം പൊട്ടി കരഞ്ഞു..

ഞാൻ അവളെ കരയാൻ വിട്ടു കാത്തിരുന്നു.. അതിനു ശേഷം അവൾ പറഞ്ഞ കാര്യങ്ങൾ കേട്ട് എനിക്ക് തല കറങ്ങി..

അവൾ ഇങ്ങോട്ട് വരാൻ തുടങ്ങുമ്പോൾ ആണ് അവളുടെ ചേച്ചിയുടെ ഭർത്താവ് അവളുടെ റൂമിൽ വന്നു അവളെ കയറി പിടിച്ചത്. അയാൾ അവളെ മുഖത്തു അടിച്ചു, വേഷം വലിച്ചു കീറി..

അവളെ അയാൾ ഏകദേശം കീഴ്പ്പെടുത്തി എന്ന് തോന്നിയപ്പോൾ അവൾ ഫ്ലവർ വെസ് എടുത്തു അയാളുടെ തലക്ക് അടിച്ചു..

ഇതൊക്കെ കണ്ടു കൊണ്ട് അവളുടെ ചേച്ചിയും വന്നു..

അവൾ ഇറങ്ങി ഓടുകയായിരുന്നു. ഇവിടെ എത്തിയപ്പോൾ ആണ് മുകളിൽ ലൈറ്റ്‌ കണ്ടത്..

“ജാനറ്റ്.. ഒന്നും സംഭവിച്ചില്ലല്ലോ? പ്ലീസ്‌ കൂൾ ഡൌൺ.. ഒന്ന് കുളിക്ക്.. ഞാൻ ചായ ഇട്ടു തരാം.. “

അത് പറഞ്ഞപ്പോൾ അവൾ എണീറ്റ് ബാത്‌റൂമിൽ പോയി..

ഞാൻ അഭിയുടെ ബാഗിൽ നിന്നും ഒരു നൈറ്റി എടുത്തു അവൾക്ക് കൊടുത്തു.