പ്രണയിനി [മാലാഖയുടെ കാമുകൻ] 2088

ചുംബനം നിർത്തിയപ്പോൾ കിതച്ചു കൊണ്ട് അവൾ എന്റെ നെഞ്ചിൽ കിടന്നു.. കെട്ടിപിടിച്ചു കിടന്നു കുറെ നേരം..

“ഞാൻ ഒന്ന് ചോദിക്കട്ടെ?”

“ന്താ ജോഷു…?”

“ജാനറ്റ് നിന്നെ കാണാൻ വന്നില്ലായിരുന്നു എങ്കിൽ നീ നാട്ടിലേക്ക് വരുമായിരുന്നോ? “

“വരുവ്വാരുന്നു.. വരാൻ ടിക്കറ്റ് ബുക്ക് ചെയ്തു..ഒരു വർഷം മുൻപേ.. പിന്നെ ക്യാൻസൽ ചെയ്തു.. നിക്ക് ജോഷു ചതിച്ചു ന്ന് പിന്നെ ആലോചിച്ചപ്പോൾ തോണീല്യ.. പിന്നെ ഞാൻ മോശം പറഞ്ഞില്ലേ? അതാ നിക്ക് കൂടുതൽ വിഷമം.. “

എനിക്ക് അതിനു ഉത്തരം ഇല്ലായിരുന്നു.. എന്ത് പറയാൻ ആണ് അവളെ പിടിച്ചു ചുംബിക്കുക എന്നല്ലാതെ..

“ജോഷു വേറെ വേളി ചെയ്തോട്ടെ ന്നു വിചാരിച്ചു.. നിക്ക് ഞാൻ മോശം പറഞ്ഞത് സഹിക്കാൻ ആയില്യ…

ചതിച്ചു ന്നു അന്ന് വിശ്വസിച്ചിരുന്നു.. ന്നാലും ന്നെ പോലും ന്റെ സമ്മതത്തോടെ അല്ലാതെ ജോഷു തോട്ടിട്ടില്യ.. അപ്പൊ അങ്ങനെ ചെയ്യോ ന്നു… ആലോചിച്ചു കരഞ്ഞു…

സമാധാനം ഇല്ലാരുന്നു ജോഷു… എടുത്തു ചാട്ടക്കാരിയാ ഞാൻ….അതാ ത്ര വർഷം….”

അവൾ വീണ്ടും കരഞ്ഞു കൊണ്ട് നെഞ്ചിൽ മുഖം പൂഴ്ത്തി..

“പെണ്ണെ.. അതൊക്കെ മറക്കാം.. ഇനീപ്പോ ഒരുമിച്ചല്ലേ? പണ്ട് നീ പറഞ്ഞത് പോലെ? നീ സ്കൂളിൽ പാട്ട് പഠിപ്പിക്കുന്നു.. ഞാനും ഇവിടെ.. ഒരുമിച്ചു ജീവിതം… ഇപ്പൊ എല്ലാം അത് പോലെ വന്നില്ലേ? “

“അതൊക്കെ ഓർമ ണ്ട് ല്ലേ? “

അവൾ മുഖം പൊക്കി എന്നെ നോക്കി.

“നിന്നെ എന്ന് കണ്ടോ അന്ന് മുതലുള്ള എല്ലാ കാര്യവും ഓർമയുണ്ട്… നല്ല ഓർമ ഉള്ളത് അന്ന് രാത്രി കുളപ്പടവിൽ……”

ഞാൻ ചിരിച്ചു..

“വഷളൻ.. ന്തൂട്ടാ ഈ പറയണേ…”

“പിന്നെ…ഒരു നാണക്കാരി.. കുളത്തിന് വരെ നാണം വന്നിട്ടുണ്ടാകും അന്ന്?”