പ്രണയിനി [മാലാഖയുടെ കാമുകൻ] 2088

“സന്തോഷം… അല്ലാതെ ന്താ? “

അവളുടെ പുഞ്ചിരി.. ഞാൻ ആ തുടുത്ത കവിളിൽ ഒരു നുള്ളു കൊടുത്തു.. കവിളുകൾ ചുവന്നു വന്നു.. ചെഞ്ചുണ്ടിലെ പുഞ്ചിരി ചിരി ആയി. എന്തൊരു ഭംഗി ആണ് ഈ പെണ്ണ് ചിരിക്കുമ്പോൾ…

“ഇത് നടു റോഡ് ആണ്.. വരുന്നുണ്ടോ?”

ദേഷ്യത്തിൽ ഉള്ള ചോദ്യം കേട്ടപ്പോൾ ഞങ്ങൾ അകന്നു മാറി..
തല ചെരിച്ചു നോക്കിയപ്പോൾ ഒരു സുന്ദരി. ജീൻസും ബനിയനും, ചുവന്ന മുടിയും റായ്ബാൻ ഗ്ലാസും.. പക്കാ ബാംഗ്ലൂർ കുട്ടി.

“മീറ്റ് മൈ ഫ്രണ്ട്, ജൊഷു.. ജാനറ്റ്..”

ഉടനെ അഭി എന്നെ അവൾക്ക് പരിചയപ്പെടുത്തി..

“ഹൈ…”

ഞാൻ കൈ കൊടുത്തപ്പോൾ അവളും കൈ തന്നു..

“ഇവൾക്ക് നിന്നെപ്പറ്റി മാത്രമേ പറയാൻ ഉള്ളു ജോഷ്.. അതുകൊണ്ടു എനിക്ക് നല്ല പരിചയം ആണ്..”

അവൾ പറഞ്ഞപ്പോൾ ഞാൻ ചിരിച്ചു.. അഭിയും. ജാനറ്റിന്റെ കാറിൽ ആണ് താമസ സ്ഥലത്തേയ്ക്ക് പോയത്.

അങ്ങ് സിൽക്ക് ബോർഡിന്റെ അടുത്ത് അവളുടെ സ്വന്തം വീട്. അതിന്റെ താഴെ അഭിയും ജാനറ്റും, എനിക്ക് മുകൾ നില.

അഭിയും ജാനറ്റും ജോലി ചെയ്യുന്നത് ഒറാക്കിൾ കമ്പനിയിൽ ആണ്. ഉടനെ എനിക്കും ഉണ്ടാകും ഇന്റർവ്യൂ.

വീടെത്തി.. നല്ല ഒരു ഇരുനില വീട്. വലിയ വലുപ്പം ഇല്ല പക്ഷെ ക്യൂട്ട് ആണ്. ജാനറ്റ് വാങ്ങിയ വീട് ആണ് ഇത്.

എന്നെ നേരെ മുകളിൽ വിട്ടു അവൾ ചായ ഉണ്ടാക്കാൻ പോയി..

ഞാൻ ബാഗ് ഒക്കെ ഒന്ന് വച്ച് ബെഡ്‌റൂമിൽ ചെന്ന് എല്ലാം ഒന്ന് സെറ്റ് ചെയ്ത ശേഷം നന്നായി ഒന്ന് കുളിച്ചു..
നാട്ടിൽ നിന്നും വന്ന ക്ഷീണം..