പ്രണയിനി [മാലാഖയുടെ കാമുകൻ] 2088

കുറച്ചു സമാധാനം തോന്നി.. വൈകുന്നേരം വീട്ടിൽ നിന്നും പുറത്തു പോകാൻ നോക്കി എങ്കിലും വിട്ടില്ല..

വൈകുന്നേരം എന്റെ ഫോൺ അടിച്ചു..

“ജോഷു…..”

ഒരു പൊട്ടിക്കരച്ചിൽ ആണ് ഞാൻ കേട്ടത്..

“അഭി…… “

“ജോഷു ന്നെ എല്ലാരും കൂടി വേളി കഴിപ്പിക്കാ.. നിക്ക് വേണ്ട.. നിക്കെന്റെ ജോഷു മതി… ചാവും ഞാൻ…. “

അവൾ അതും പറഞ്ഞു അലറി കരഞ്ഞു..

“അഭി മോളു.. എന്റെയും ഇവർ ഉറപ്പിച്ചു.. ഒരു വാക്കു പോലും ചോദിച്ചില്ല.. ഉണ്ണിമായ ആണ്…അതെ ദിവസം…”

അത് പറഞ്ഞപ്പോൾ ഞാനും പൊട്ടി കരഞ്ഞിരുന്നു… ഏങ്ങലടികൾ…

“ജോഷു… ?”

“മ്മ്മ്….”

“ജോഷു ഉണ്ണിമായയെ കെട്ടണം…. ന്നെ വേണ്ട.. ഞാൻ.. അവിശ്വസിച്ചില്ലേ ന്റെ ജോഷുനെ.. ന്നെ വേണ്ട ജോഷു…”

കരച്ചിൽ അടക്കി പിടിച്ച ശബ്ദം..

“എന്താ അഭി ഇത്? നീ എന്നെ അങ്ങനെ ആണോ കണ്ടിരിക്കുന്നത്?”

എനിക്ക് കരച്ചിൽ അടക്കാൻ ആയില്ല..

“ല്ലാ ജോഷു.. ന്നാലും വാക്ക് താ.. ഞാൻ കെട്ടിത്തൂങ്ങി ചാവണ്ട ച്ചാൽ,, വാക്ക് താ ഉണ്ണിമായയെ വേളി ചെയ്യും ന്ന്….”

അവൾ അത് പറഞ്ഞപ്പോൾ ഞാൻ ഞെട്ടി..

“എന്നാൽ.. എന്നാൽ നീയും ഉണ്ണിയെ കെട്ടണം… അല്ലെങ്കിൽ ഞാനും മരിക്കും.. അന്ന് നിന്റെ കല്യാണം എനിക്ക് കാണണം..

ഓർത്തോ നീ അവിവേകം എന്തെങ്കിലും കാണിച്ചാൽ ഞാൻ ഉണ്ണിമായയെ താലി കെട്ടിയതിനു ശേഷം പോയി മരിക്കും..

ഒരു പെണ്ണിന്റെ ജീവിതം ഇല്ലാതെ ആകും… വാക്ക് താ അങ്ങനെ സംഭവിക്കേണ്ട എങ്കിൽ…..”

ഞാൻ അലറി അവളോട്..

“ന്നെ പരീക്ഷിക്കല്ലേ ജോഷു….”

അവൾ കരഞ്ഞു..

“നിനക്ക് വാക്ക് വേണോ? നീ എനിക്കും വാക്ക് തരണം.. നീ കാരണം ഒരു പെണ്ണിന്റെ ജീവിതം കണ്ണീർ ആകും.. ഇത് ഞാൻ ആണ് പറയുന്നത്… അറിയാലോ?”