പ്രണയിനി [മാലാഖയുടെ കാമുകൻ] 2091

“ഈ ചെക്കൻ… ന്നെ കാളിയാക്കാ….”

അതും പറഞ്ഞു ഒറ്റ ഓട്ടം.. എനിക്ക് ചിരി വന്നു. എനിക്ക് സമ്മതം ആണെങ്കിൽ ഇവളെ കെട്ടിച്ചു തരാം എന്ന് മാഷ് പറഞ്ഞതാണ്..
പക്ഷെ എനിക്ക് അഭിയെ മറക്കാൻ കഴിയണ്ടേ?

ഇവിടെ ജാതി മതം ഒന്നും ഇല്ല.. എല്ലാവരും ഈ അമ്പലം, സ്കൂൾ ഒക്കെ ചുറ്റിപറ്റി ജീവിക്കുന്നവർ ആണ്..

ഞാൻ എണീറ്റ് വീട്ടിലേക്ക് പോയി.. വീട്ടിലേക്ക് പോകുമ്പോൾ ആദ്യം അഭിയുടെ വീട് ആണ്.. അത് കഴിഞ്ഞു ഒരു ഒഴിഞ്ഞ സ്ഥലം കഴിഞ്ഞാൽ എന്റെ വീട്.. 150 മീറ്റർ ദൂരം ഉണ്ടാകും. കാണാവുന്ന ദൂരം..

അവിടെ എത്തിയപ്പോൾ ഞാൻ മെല്ലെ ഒന്ന് നോക്കി.. ആരും ഇല്ല…

വണ്ടി വീട്ടിൽ കയറ്റിയപ്പോൾ അമ്മ വന്നു.. എന്നെ കെട്ടിപിടിച്ചു കരയാൻ തുടങ്ങി..

“എന്താ മമ്മി?”

തല പൊക്കി ദേഷ്യത്തിൽ ഒന്ന് നോക്കി വീണ്ടും കരയാൻ തുടങ്ങി..

“ഇതെന്താ? എന്താ കാര്യം? അച്ഛൻ വേറെ പെണ്ണ് കെട്ടിയോ? സാരമില്ല നമുക്ക് കോട്ടയം കുഞ്ഞച്ചനെ നോക്കാം.. “

“ഡാ ചെക്കാ… കിട്ടും കേട്ടോ നിനക്ക്?”

“ആഹാ.. പിണക്കം മാറിയല്ലോ?”

“സോറിട്ടോ.. അമ്മ അറിയാതെ പറഞ്ഞതാ….”

അമ്മ എന്നോട് തല കുനിച്ചു കൊണ്ട് പറഞ്ഞു..

“മ്മ്മ്.. ഇനി മറക്കണം അമ്മെ.. എങ്ങനെ എങ്കിലും.. അതിനു ദേവിയോ അല്ലെങ്കിൽ ഈശോയോ ഒരു പരീക്ഷണം തന്നിട്ടുണ്ട്…”

ഞാൻ ബൈക്കിൽ നിന്നും ഇറങ്ങി അമ്മയോട് പറഞ്ഞു..

“എന്താ?”

അമ്മ സംശയത്തോടെ ചോദിച്ചു..

“അവൾ വന്നിട്ടുണ്ട്.. അഭി…ഇനി പോണില്ലത്രേ….സ്കൂളിൽ പാട്ടു പഠിപ്പിക്കാൻ ചോദിച്ചിരുന്നു എന്ന്…”

“ഈശോയെ……!”

ഞാൻ വാ പൊളിച്ചു നിൽക്കുന്ന അമ്മയെ ഒന്ന് നോക്കി ചിരിച്ചു റൂമിലേക്ക് ചെന്നു.. ബെഡിൽ വെറുതെ കിടന്നു..