നിയോഗം Conclusion(മാലാഖയുടെ കാമുകൻ) 3023

റോഷനെ നോക്കിക്കൊണ്ട് എലാക്കേൽ എഴുന്നേറ്റ് നിന്നു..

അവളുടെ പുറകിൽ നിന്നും വേറെ നാല് കൈകൾ കൂടെ വന്നത് ഞെട്ടലോടെയാണ് അവൻ കണ്ടത്..

അവളുടെ ഒരു കയ്യിൽ വലിയൊരു വാളും മറ്റൊരു കൈയിൽ ഒരു ഷീൽഡും വന്നു..
ഇരുകൈകളും കൊണ്ട് അവൾ മുടി മുകളിലേക് പറ്റിച്ചു വെച്ചുകൊണ്ട് റോഷനെ നോക്കി..

ഒരു കയ്യിൽ സ്പിയർ കൂടെ വന്നു.. അവൾ ദേഷ്യത്തിൽ ആയിരുന്നു..

“മുടക്കം വരുത്തി.. ഇല്ല.. എനിക്ക് അറിയാം എന്താണ് ചെയ്യേണ്ടത് എന്ന്.. നിന്നെ കൊന്നു കഴിഞ്ഞിട്ട് മാത്രം..”

അവൾ അത് പറഞ്ഞു തീരുന്നതിലും മുൻപേ സ്പിയർ അവന്റെ നേരെ എറിഞ്ഞിരുന്നു..
ഒന്ന് വട്ടം കറങ്ങി സ്പിയർ കൈക്കലാക്കിയ റോഷൻ അതിലും വേഗതയിൽ തിരിച്ചു എറിഞ്ഞത് അവൾ വളരെ എളുപ്പത്തിൽ ഷീൽഡ് കൊണ്ട് തട്ടി കളഞ്ഞു..

പ്രിൻസസ് വയലിൻ അയച്ച അസ്ത്രം അവൾ ഷീൽഡ് കൊണ്ട് തട്ടി..

“ലോകം മുഴുവൻ ഭരിച്ചവൾ ആണ് ഞാൻ.. കൊച്ചു കുട്ടിയാണ് നീ.. വെറും കൊച്ചു കുട്ടി.. “

അവൾ മിന്നൽ വേഗതയിൽ പാഞ്ഞു വന്നു റോഷനെ ചവുട്ടി തെറിപ്പിച്ചു..
മുൻപിലേക്ക് ചെന്ന വയലിനെ ഒരു കൈകൊണ്ടു അവൾ കഴുത്തിൽ പിടിച്ചു പൊക്കി..

അതിന് ശേഷം വാൾ അവളുടെ കഴുത്തിൽ മുട്ടിച്ചു..

“യാത്ര ചോദിക്കുന്നില്ല…നിന്നെ…..”

അത് മുഴുമിപ്പിക്കാൻ അവൾക്ക് കഴിഞ്ഞില്ല.. അതിനു മുൻപേ അവൾ അലർച്ചയോടെ വയലിനെ നിലത്തിട്ട് നാല് കൈകൾ കൊണ്ട് ഷീൽഡ് കുറുകെ പിടിച്ചു.. സ്പിയർ അതിൽ അടിച്ചു വലിയ പ്രകമ്പനം ഉണ്ടായി…

ഡിസ്ട്രോയെർ വലിച്ചെടുത്തു പാഞ്ഞു ചെന്ന റോഷൻ അവളെ ആഞ്ഞു അടിച്ചു..
തെറിച്ചു പോയ അവൾ അതിലും വേഗത്തിൽ വന്നു റോഷന്റെ വയറിലേക്ക് വാള് വച്ച് കുത്തിക്കൊണ്ടു അവന്റെ നെഞ്ചിൽ ഷീൽഡ് വച്ച് ആഞ്ഞു അടിച്ചു..

തെറിച്ചു പോയ അവനെ നോക്കി പതറി നിന്ന വയലിനെ അവൾ വീണ്ടും പിടിച്ചു.. വയലിൻ അവളുടെ വാൾ കൊണ്ട് വെട്ടിയെങ്കിലും അതും അവൾ പിടിച്ചു വച്ചു… പുഞ്ചിരിയോടെ..

റോഷൻ ഡിസ്ട്രോയെർ വച്ച് നിലത്തേക്ക് ശക്തമായി ഒരു അടി അടിച്ചു.. അതിൽ നിന്നും മിന്നലുകൾ പാഞ്ഞു നിലം കുലുക്കിയതും നിലതെറ്റി വീണ എലാക്കേൽ ചാടി എഴുന്നേറ്റു..