ദേവീ പാർവതി.. [യുവ ഗന്ധർവ്വൻ] 261

ഇനിയും അവളെപ്പറ്റി നാവു തുറന്നാൽ കഴിഞ്ഞ പ്രാവശ്യം കൊടുത്തതിനിരട്ടിയായി ഇന്ന് നൽകും. അതുറപ്പിച്ചു.അത്രക്ക് ദേഷ്യമുണ്ട്.
അവളെ ഒഴിവാക്കിയ എന്നോടും അവൾക്ക് ഈ അവസ്ഥ വരുത്തിയ ദൈവത്തോടും എല്ലാവരോടും.
അവൾ വീണ്ടും പതുക്കെ വിളിച്ചു
“ഏട്ടാ..”
ഞാൻ മുഖം തുടച്ച് അവളെ നോക്കി.
“മ്മ്…. പോവാം….”
ഞാൻ അതും പറഞ്ഞു സീറ്റ്ബെൽറ്റിട്ട് വണ്ടിയെടുത്തു.
ഞാൻ അവളെ നോക്കിയതേയില്ല.
കരയുന്നത് അവൾ കാണണ്ടെന്ന് വിചാരിച്ചു.
ആക്‌സിലരെറ്റർ ഞെരിച്ചു വിട്ടു.
കാർ നിമിഷങ്ങൾക്കകം ഫ്ലാറ്റിലെത്തി.
ഞാൻ അവളെ നോക്കാതെ കീ എടുത്ത് റൂമിലേക്ക് നടന്നു. അവൾ പിന്നാലെയും.

പോയി റൂമിൽകയറി ബെഡിൽ മലർന്നുകിടന്നു കരഞ്ഞു.

അവൾ അടുത്ത് ബെഡിൽ വന്നിരുന്ന് എന്നെ വിളിച്ചു.
“ഏട്ടാ….”
“പ്ലീസ് ജസ്റ്റ്‌ ലീവ് മി അലോൺ”

രാത്രി അവൾ വന്ന് എന്നെ ഫുഡ്‌ കഴിക്കാൻ വിളിച്ചുകൊണ്ടിരുന്നു.
എന്നാലും എനിക്ക് കഴിക്കാൻ തോന്നിയില്ല.