ദേവീ പാർവതി.. [യുവ ഗന്ധർവ്വൻ] 261

ഞാൻ അവളുടെ മറുപടിക്കായി കാത്തുനിന്നു.
“ന്നാ പോവാം.”
അവൾക്കും സമ്മതം.
ഞങ്ങൾ ഷോക്ക് കയറി.
ലച്ചുട്ടി നടുക്ക് ഞാനും അവളും അവളുടെ ഇരുസൈഡിലായി ഇരുന്നു.
ലച്ചുട്ടി സ്‌ക്രീനിൽ തന്നെയാണ്.
അവൾക്ക് ആ സിനിമ ഇഷ്ട്ടപെട്ടെന്ന് തോന്നുന്നു.
ഞാൻ ദേവിയെ നോക്കി.
അവളും എന്നെ നോക്കി. ഇരുട്ടാണെങ്കിലും ചെറുവെളിച്ചത്തിൽ ഞാൻ അവളുടെ മുഖം കണ്ട് മതിമറന്നു.
അവൾ ഒന്ന് ചിരിച്ച് കണ്ണുകൾ താഴ്ത്തിയിരുന്നു.
ഇന്റർവല്ലിന് അവർക്ക് പോപ്‌കോണും ഒരു ലാർജ് ബോട്ടിൽ കോളയും വാങ്ങി ലച്ചുട്ടിയുടെ കയ്യിൽ കൊടുത്തു.
അപ്പോഴാണ് ലച്ചുട്ടിക്ക് മുൻപിലുള്ള സീറ്റിന്റെ ഉയരം കാരണം അവൾക്ക് സിനിമ കാണാൻ പറ്റുന്നില്ലെന്ന് പറഞ്ഞത്.അവളോട് എന്റെ സീറ്റിലിരിക്കാൻ പറഞ്ഞ് ഞാൻ അവരുടെ നടുക്കിരുന്നു.
എന്റെ സീറ്റിന്റെ ഫ്രന്റ്സീറ്റ് ഫ്രീയായിരുന്നു അതുകൊണ്ട് ഈസിയായി കാണാം.
അവൾ ഇരുന്ന് പോപ്‌കോൺ കഴിക്കുകയാണ്.
ഒപ്പം കോള മൊത്തിക്കുടിക്കുന്നുമുണ്ട്.
ഞാൻ ചരിഞ്ഞ് ദേവിയെ നോക്കി. പോപ്‌കോൺ വാരികഴിക്കുകയാണ്.
ഞാൻ നോക്കുന്നത് കണ്ടപ്പോൾ അവൾ ആ പോപ്‌കോൺ ബക്കറ്റ് എനിക്ക് നേരെ നീട്ടി പിടിച്ചു.
പക്ഷെ കഴിക്കുന്നത് നിർത്തിയില്ല.

എനിക്ക് ചിരി പൊട്ടി.
ഇവൾ ലച്ചുവിനെക്കാൾ രസമായിട്ടാണ് കഴിക്കുന്നത് അവളുടെ അധരങ്ങൾ തമ്മിൽ കൂട്ടിമുട്ടുന്നതും രക്തവർണമുള്ള നാവു നീട്ടി അധരങ്ങളിലെ രുചി നുണഞ്ഞിറക്കുന്നതും കണ്ട് എനിക്ക് ആ ക്ഷണം നിരസിക്കാനായില്ല.
ഞാൻ അതിൽ നിന്നും കുറച്ചു കയ്യിലെടുത്ത് വായിലിട്ടു.
അവൾ വീണ്ടും എന്നെ തന്നെ നോക്കുകയാണ്.
ഞാൻ അവളോട് ചേർന്നിരുന്നു.
തമ്മിൽ അകറ്റിനിർത്തിയ ആ ഹാൻഡ്‌റെസ്റ്റിനോട് എനിക്ക് ദേഷ്യം ഇരമ്പി.
എന്റെ കയ് കയറ്റിവച്ച അതെ നിമിഷം തന്നെ അവൾ കഴിക്കൽ നിർത്തിവച്ച് കൈ തുടച്ച് അതിൽ കയറ്റിവച്ചു.
എന്നാൽ രണ്ട് കൈ വക്കാനുള്ള വീതി അതിനുണ്ടായിരുന്നില്ല.
അവളുടെ നഗ്നമായ കയ് എന്റെ കയ്യിലുരഞ്ഞു.
എന്തോ പോലെ….
അവൾ തൽക്ഷണം കയ്യെടുത്ത് എന്നെ നോക്കി ഞാനും.ഞാൻ കൈയ് മടക്കി പകുതിയിൽ വച്ച് ബാക്കി പകുതി അവൾക്കു കൊടുത്തു.അവൾ കൈ അതിൽ കയറ്റിവച്ചു.
അവളും എന്റെ സൈഡിലേക്ക് ചാഞ്ഞിരുന്നു.
തോളും തോളും തമ്മിൽ മുട്ടി ഇരുന്നു.
ഞാൻ അവളെ നോക്കി ചിരിച്ചു.
അവളും.
അവൾ എന്റെ തോളിൽ പതിയെ തല വച്ച് നാണിച്ചു സ്ക്രീനിലേക്ക് നോക്കിഇരുന്നു.
ഒരു രാജ്യം വെട്ടിപ്പിടിച്ച രാജാവിന്റെ സന്തോഷമായിരുന്നു എനിക്ക്. ഞാൻ എന്റെ തോളിൽ തല ചായ്ച്ചിരുന്ന അവളെ നോക്കി മതിമറന്നിരുന്നു.