ദേവീ പാർവതി.. [യുവ ഗന്ധർവ്വൻ] 261

“ഞാൻ മറ്റൊരു ഇന്റർവ്യൂ കൂടി അറ്റൻഡ് ചെയ്തിട്ടുണ്ട്……”

“അത് കിട്ടിയില്ലെങ്കിലോ?”

“അച്ഛാ എനിക്ക് ഇഷ്ട്ടമുള്ളതല്ലേ ഞാൻ ചെയ്യണ്ടേ?….. ഒരു ഉറപ്പുമില്ലാത്ത ആ ജോബ് എനിക്ക് താല്പര്യമില്ല…”

“നീ ഞങ്ങൾക്ക് വേണ്ടി അതിനു പോകണം ”

എനിക്ക് ദേഷ്യം വരാൻ തുടങ്ങിയിരുന്നു.

“എനിക്ക് വയ്യ….നിങ്ങള്ക്ക്കൂടി വേണ്ടീട്ടാ….. ഞാൻ അവളെ പോലും…….”

അവിടെ നിർത്തി.

റൂമിലേക്ക് വന്നു.

ഇരുന്ന് കരഞ്ഞു.എത്ര നേരമെന്ന് ഓർമയില്ല.

ഏട്ടന് കാര്യമറിയാവുന്നതുകൊണ്ട്

അച്ചനും അമ്മയും പിന്നെ ഒന്നിനും എന്നോട് തർക്കിക്കാൻ വന്നിട്ടില്ല അതിന്റെ നെക്സ്റ്റ് വീക്ക്‌ ഓർഡർ ഇഷ്യൂ ചെയ്ത് വന്നു.ജോയിനിങ് ഡേറ്റ് അതിനടുത്ത ആഴ്ച്ചയിൽ തന്നെ ആയിരുന്നു.

അന്ന് ഫിനാൻഷ്യലി ഞങ്ങൾ കുറച്ചു ബാക്‌വാർഡ് ആയിരുന്നു.

ഏട്ടൻ അന്ന് ഒരു ഷോർട് പീരിയഡ് കോഴ്സ് ചെയ്യുകയായിരുന്നു.

ഞാനും കൂടി ജോബ് ചെയ്താലേ അന്ന് ഫാമിലി ഒന്ന് സ്റ്റബിൾ ആവുകയുള്ളൂ….

ജോയിൻ ചെയ്ത് രണ്ട് ദിവസം കഴിഞ്ഞതും ഞാൻ അവിടെ ഒരു ഫ്ലാറ്റ്, കമ്പനിയുടെ സഹായത്തോടെ സ്വന്തമാക്കി.

അതോടെ ജീവിതം ഏറെക്കുറെ ഓക്കേ ആയി.

അതിന്റെ അടുത്ത മാസം ഏട്ടൻ ജോലിക്ക് കയറി.

പിന്നെ കാർ വാങ്ങി വീട് ഒന്നുകൂടി പുതുക്കിയെടുത്തു.

ജീവിതത്തിൽ ഒരു സന്തോഷവും സമാധാനവും എത്തിപിടിച്ചതുപോലെ…

എന്നാലും പിന്നിട്ട വഴികൾ ഓർക്കുമ്പോൾ ഇന്നും കരഞ്ഞുപോവും.