ദേവീ പാർവതി.. [യുവ ഗന്ധർവ്വൻ] 261

തിരിഞ്ഞ് നോക്കിയ ഞാൻ കണ്ടത് ലച്ചു എന്നെ നോക്കി ചിരിക്കുന്നതാണ് ഞാനും അവളെ നോക്കി ചിരിച്ചു.
അവൾ കാൽഭാഗം കുടിച്ചു തീർത്ത കോള എന്റെ കയ്യിൽ തന്നിട്ട് വീണ്ടും സിനിമയിൽ ലയിച്ചിരുന്നു.
ഞാൻ കോള ദേവിക്ക് കൊടുത്തു.
അവൾ തല ഉയർത്തി മുഖത്തെ നാണം മറച്ച് അത് കുടിച്ചു.
അവളുടെ അധരങ്ങൾ ബോട്ടിലിന്റെ വായിക്കുള്ളിലേക്ക് കയറിപോകുന്നതും നോക്കി ഞാൻ ഇരുന്നു.പണിപ്പെട്ടു ശ്വാസം വലിച്ചു.
അവൾ അത് കുടി കഴിഞ്ഞ് എനിക്ക് തന്നു വീണ്ടും തോളിൽ തല വച്ചു കിടന്നു.
ഞാൻ കോള എന്റെ ചുണ്ട് ചേർത്ത് വലിച്ചെടുത്തു.
ഉള്ളിലേക്ക് കോളയുടെ തണുപ്പിനോടൊപ്പം അവളുടെ അധരങ്ങളുടെ തണുപ്പും തരിപ്പും അധിമധുരവും ഒഴുകിയിറങ്ങി…!

ഉഫ്…….. ന്റെ ദേവീ…… എന്തൊരു ടേസ്റ്റ്…….!

അവൾ എന്റെ കൈ പിടിച്ച് അവളുടെ സീറ്റിലേക്കിട്ട്, പോപ്‌കോൺ ബക്കറ്റ് എടുത്ത് ഹാൻഡ്‌റസ്റ്റിൽ വച്ചു.
സീറ്റിലേക്കിട്ട എന്റെ കൈ വിരലുകൾ അവൾ അവളുടെ വിരലുകൾ കോർത്തു തെരുപിടിച്ചു.
എനിക്കാകെ അടി മുതൽ മുടി വരെ വിറഞ്ഞു.
അവളുടെ കയ്യിനെന്ത് തണുപ്പ്…!
വിരലുകൾക്ക് നല്ല നീളവും സോഫ്റ്റ്നെസ്സും.
എത്ര നേരം അങ്ങനെ ഇരുന്നെന്ന് ഓർമയില്ല.
അവസാനം ലച്ചു വിളിച്ചപ്പോളാണ് സിനിമ കഴിഞ്ഞ കാര്യം ഞങ്ങൾ അറിയുന്നതുതന്നെ.
വേഗം അവിടെനിന്നും ഇറങ്ങി.
അവരെയും കൊണ്ട് മൊത്തം കറങ്ങി നടന്നു. ഫുഡ്‌ ഒക്കെ കഴിപ്പിച്ച് വൈകുന്നേരം ആയപ്പോഴേക്കും അവരെ ഞാൻ എന്റെ വണ്ടിയിൽ വീട്ടിൽ കൊണ്ടുപോയാക്കി.
അവരൊക്കെ നല്ല സന്തോഷത്തിലായിരുന്നു. ലച്ചു സിനിമക്ക് പോയതും ഐസ് ക്രീം കഴിച്ചതും കറങ്ങിനടന്നതും എല്ലാം പറഞ്ഞു നടക്കുവാണ്.
ഞാൻ അവരോട് പറഞ്ഞ് അവിടെ നിന്നും ഇറങ്ങി. പോകാൻ നേരം ദേവീ വന്ന് എന്റെ കയ്യിൽ പിടിച്ചു.
അമ്മയും അച്ഛനും അത് നോക്കിനിന്നു.
“ഏട്ടാ… രാത്രി എന്നെ വിളിക്കുവോ?”
“മ്മ് വിളിക്കാം…….
ലച്ചു ടാറ്റാ ”
അവൾ എന്റെ നേരെ കൈ വീശി കാണിച്ചു ഒരു ഫ്ലയിങ് കിസ്സും തന്നു….
അത്രയധികം ഞാൻ അവൾക്ക് പ്രിയപ്പെട്ടതായി മാറിയിരുന്നു.
അച്ചനും അമ്മയും അത് അത്ഭുതത്തോടെ നോക്കി കണ്ടു.
“അവൾ അധികം അങ്ങനെ ആരോടും കമ്പനി ആവാറില്ല.. ”
അമ്മയാണ്.