ദേവീ പാർവതി.. [യുവ ഗന്ധർവ്വൻ] 261

ന്റെ ദേവീ ന്തൊരു രുചി…..
വായിലൂടിറങ്ങുന്നത് അറിയുന്നില്ല.
ഞാൻ അവളെ ഒന്ന് ആരാധനയോടെ നോക്കി. അവൾ ടി വി യിൽ നോക്കി ഇരിക്കുകയാണ്.
അവൾ എന്നെ നോക്കിയതും ഞാൻ അവളിൽനിന്നും കണ്ണെടുത്തു.
അന്ന് രാത്രി ഞാൻ സോഫയിൽ കിടക്കാനൊരുങ്ങുമ്പോളാണ് അവൾ ഒറ്റക്ക് കിടക്കാൻ പേടിയാണ് റൂമിലേക്ക് വരാമോ എന്നു താഴെ നോക്കി ചോദിച്ചത്.
അവളുടെ ഈഗോ എന്റെ മുഖത്തുനോക്കി അത് പറയാൻ അവളെ അനുവദിക്കുന്നില്ല.
ഞാൻ പോയി വീതിയിറിയ ബെഡിന്റെ ഒരറ്റത്ത് ചുരുണ്ടുകൂടി.
അവളും.
പതിയെ മയക്കം…
“ന്റെ ഏട്ടൻ ന്തിനാ ഒറ്റക്ക് കിടക്കണേ?
ഇങ്ങ് വാ ന്നെ കെട്ടിപിടിച്ച് കിടന്നോ….”
ഇത് പതിവില്ലാത്തതാണല്ലോ.. എന്തായാലും ഇത്രയും നാൾ ആഗ്രഹിച്ചതും ഇതുതന്നെ ആയിരുന്നല്ലോ….
ഞാൻ അവളുടെ ഗന്ധം ഉള്ളിലേക്കെടുത്ത് അവളുടെ മാറോട് ചേർന്ന് കിടന്ന് അവളെ കെട്ടിപിടിച്ചു.
അടുത്ത നിമിഷം ഞാൻ ഒരു വീഴ്ചയുടെ ആലസ്യത്തിലും മയക്കം മുറിഞ്ഞതിന്റെ അസ്വസ്ഥതയിലും ചാടി എഴുന്നേറ്റു…. കണ്ണ് തുറന്നപ്പോൾ തറയിലാണ്….
അവൾ എന്നെ ദേഷ്യത്തോടെ ഇരുന്ന് നോക്കുന്നുമുണ്ട്.
“കയറിപിടിക്കുന്നോ….. നിങ്ങടെ മറ്റവളെ പോയി പിടിക്ക്……”
ഞാൻ ഒന്നും മിണ്ടിയില്ല…..
കണ്ണ് തിരുമ്മി അലച്ചുവീണ ഇടുപ്പിലും കൈ വച്ച് ഞാൻ പണിപ്പെട്ട് എണീറ്റു.
ഒന്ന് ശ്വാസമെടുത്തു.
“ഞാൻ…. ഞാൻ… ഒരു സ്വപ്നം കണ്ടതാ….”
ശേഷം എന്നോടൊപ്പം വീണ പുതപ്പുമായി ഞാൻ ആ റൂം വിട്ടു.
രാവിലെ നേരത്തെ ഉറങ്ങി എഴുന്നേറ്റു.ഉറങ്ങിയില്ല എന്നു പറയുന്നതാകും ശരി.
അന്ന് രാവിലെ അവൾ എഴുന്നേൽക്കുന്നതിനു മുൻപേ
ഞാൻ അവിടെ നിന്നിറങ്ങി.
കല്യാണത്തിന് ശേഷം ആദ്യ വർക്കിംഗ്ഡേ.
എല്ലാവരുടെയും ചോദ്യങ്ങൾക്ക് ശേഷം ഞാൻ അന്ന് പാടുപെട്ട് അവിടെ കഴിച്ചുകൂട്ടി.
ഉച്ചയായപ്പോൾ അവളുടെ കാൾ വന്നു.
“നിങ്ങൾ എവിടെയാ?”
“ഞാൻ വർക്കിലാ…. എന്താ?”