ദേവീ പാർവതി.. [യുവ ഗന്ധർവ്വൻ] 261

രണ്ട് ദിവസം കടന്ന് പോയി. ഞാനും അവളും തമ്മിൽ കാണുന്നുണ്ട്…എന്നാൽ തമ്മിൽ ഒന്നും മിണ്ടുന്നില്ല…
എനിക്ക് വേണ്ട ഭക്ഷണം ഞാൻ എടുത്ത് കഴിക്കുന്നു….. അവൾ എല്ലാവരോടും പഴയത്പോലെ കമ്പനി ആണ്…..

അപ്പോൾ എന്നോട് മാത്രേ അവൾക്ക് വെറുപ്പ് ഉള്ളൂ .
എന്നാലും ഈ ചെറിയ കാര്യത്തിനൊക്കെ ഡിവോഴ്സ്??

ഒന്നിലും ഒരു താല്പര്യമില്ല…..
അവൾ വെറുതെ പോലും ഒന്ന് നോക്കുന്നില്ല….

രാത്രിയിൽ എന്റെ കണ്ണീരു മുഴുവൻ സോഫ നനച്ചുകൊണ്ടേ ഇരുന്നു…
രാവിലെ ആരും കാണാതിരിക്കാൻ
പണിപ്പെട്ട് നേരത്തെ എഴുന്നേൽക്കാൻ പഠിച്ചു….

ഇന്ന് അവളുടെ വീട്ടിൽ പോകേണ്ട ദിവസമാണ്.
അമ്മ രാവിലെ വന്ന് എന്നെയും അവളെയും ഒരുക്കികെട്ടി യാത്രയാക്കി…

അവളുടെ വീട്ടിലെക്കുള്ള യാത്രയിൽ… അവൾ എന്നോടൊന്നും മിണ്ടിയില്ല അത് പിന്നെ അങ്ങനെതന്നെ ആണല്ലോ…… അന്ന് മിണ്ടിയതിൽപ്പിന്നെ അവൾ എന്നെ ഒന്ന് നോക്കിയിട്ടുപോലുമില്ല….

അവളുടെ ശ്രദ്ധ കിട്ടാൻ വേണ്ടി ഞാൻ കാണിച്ച കൂട്ടിയതിനു കണക്കില്ല….
എന്നാലും പെണ്ണുങ്ങൾക്ക് ഇത്ര വാശി പാടില്ല….

ആകെ ഒരു സന്തോഷമില്ലായ്മ….
എല്ലാവരും സന്തോഷത്തിലാണ്…..