ദേവീ പാർവതി.. [യുവ ഗന്ധർവ്വൻ] 261

ദേവി അത് കേട്ടതും മുഖം തിരിച്ചു ഉള്ളിലേക്ക് നടന്നു നീങ്ങി.
അവൾ ഒന്ന് മിണ്ടുക പോലും ചെയ്തില്ല..
പാർവതി എന്നോട് യാത്ര പറഞ്ഞ് നടന്നു പോയി.
ഈറനണിഞ്ഞ കണ്ണുകളിലൂടെ അവൾ നടന്നകലുന്നത് ഞാൻ നോക്കിനിന്നു.
അൽപ ദൂരം കടന്നതും അവൾ തിരിഞ്ഞ് നോക്കി. അവളുടെ കണ്ണുകളും കലങ്ങിയതായി എനിക്ക് തോന്നി.
ഞാൻ കണ്ണ് തുടച്ച് ഉള്ളിലേക്ക് കയറി.
അവൾ എന്നെ കാത്തുനിക്കുന്നു.
മുഖത്ത് ഗൗരവം.

“ആന്റി… ”
” ആര് ദേവികയോ?….
കല്യാണം കഴിഞ്ഞെന്ന് ആൻ പറഞ്ഞിരുന്നു…. വരാൻ സാധിച്ചില്ല…. ഇതാണോ ചെറുക്കൻ?
“ആഹ് ആന്റി….
ആനിനു സുഖമാണോ?….”
“ഹ്മ്മ് സുഖം…എന്നെ കാണാൻ വന്നതാണോ? അതോ?”
“അല്ലാ…..നിയ്ക്കറിയില്ലായിരുന്നു ആന്റി ആണ് ..ഡോക്ടറെന്ന് …”
“ഇയാളുടെ പേരെന്താ?”
“സഞ്ജീവ് ”
ഞാൻ മറുപടി കൊടുത്തു.
“തനിക്ക് പാർവതിയെ എങ്ങനെ അറിയാം…?.. അല്ലാ…. സംസാരിക്കുന്നത് കണ്ടു… അതുകൊണ്ട് ചോദിച്ചതാ…”
“കോളേജ് മേറ്റ്‌ ആണ്.”
അത് പറഞ്ഞപ്പോൾ ദേവി എന്നെ പുച്ഛത്തോടെ നോക്കി.
ചിരിയാണ് മുഖത്ത്.
“ആന്റിക്ക് അറിയുവോ? പേർസണൽ….”
ഇവൾക്കിതെന്താണ്…..?
അവളെപറ്റി അറിയാഞ്ഞിട്ട്…
“അത് ഒരു സിവിയർ കേസ് ആണ്….അതൊന്നും മോളറിയണ്ട ….മോൾക്കെന്താ അസുഖം അത് പറ…!”
“നിക്ക് വയറുവേദനയാണ്…അത് ഡേറ്റിന്റെയാ….. ആന്റി ഇത് പറ…”
“മോളെ അത് നിനക്ക് ദഹിക്കില്ല.”
ഞാൻ അവർ പറയുന്നതിനൊന്നും ചെവി കൊടുത്തില്ല….. ഞാൻ ദേവിയുടെ കണ്ണിലേക്കു നോക്കി
കുശുമ്പാണ് പെണ്ണിന്.