ദേവീ പാർവതി.. [യുവ ഗന്ധർവ്വൻ] 261

ഞാൻ ലച്ചുവിനോട് അവൾക് ഒരു ഐസ്ക്രീം കൂടി വാങ്ങിക്കോളാൻ പറഞ്ഞ് ദേവിയോട് ചേർന്നിരുന്നു….
“എടൊ താനെന്താ ഇങ്ങനെ…..
ഒന്നൂല്യെങ്കിലും അവളെന്തു വിചാരിക്കും എന്നെങ്കിലും നോക്കണ്ടേ?
മറ്റുള്ളവരുടെ മുന്നിലെങ്കിലും ഒന്ന് സ്നേഹം കാണിക്ക്….”
അവൾ ഒന്നും മിണ്ടിയില്ല…. ഒന്നും കേൾക്കാത്തത് പോലെ അഭിനയിച്ചു..
ലച്ചുട്ടി ഐസ്ക്രീം നുണഞ്ഞു അടുത്തേക്ക് വരുന്നത് കണ്ടാണ് ഞാൻ മാറിയിരുന്നത്.
സേർവ് ചെയ്ത രണ്ട് ജ്യൂസിൽ ഒന്ന് അവൾക്ക് ഞാൻ വച്ച് കൊടുത്തു.
അവൾ അത് കൈ കൊണ്ട് തട്ടി മാറ്റി.
അഹങ്കാരം..! അല്ലാതെന്ത്….
ജ്യൂസ്‌ ഒഴുകിയിറങ്ങിയത് ലച്ചുവിന്റെ പുതിയ കൊച്ചുടുപ്പിലൂടെയാണ്…
അവൾ ഐസ്ക്രീം കഴിക്കുന്നത് നിർത്തി.
ദേവിയുടെ പ്രവർത്തിയിൽ അവൾ പേടിച്ചിരിക്കുന്നു…
കുഞ്ഞികണ്ണ് നിറഞ്ഞു.
നീട്ടി വരച്ച കണ്മഷി പടർന്നു…
ഞാൻ അവളെ ചേർത്ത് പിടിച്ചു.
അതുകണ്ടുകൊണ്ട് സപ്ലയർ
വന്ന് ക്ലീൻ ചെയ്തു,അതോടൊപ്പം കുറച്ചു ടിഷ്യൂ പേപ്പറും തന്നു.
ഞാൻ അതുകൊണ്ട് അവളുടെ മുഖം തുടച്ചു.
ഒരു സ്പൂൺ ഐസ്ക്രീമു കൂടി വായിലേക്ക് വച്ച് ഞാൻ രണ്ട് നോട്ടുകൾ ബില്ല് കൊണ്ടുവന്നതിൽ വച്ച്
ദേവിയെ ഒന്ന് നോക്കി.
അവൾ എന്ത് ചെയ്യണമെന്നറിയാതെ നിൽക്കുകയാണ്.
പ്രതീക്ഷിച്ചിട്ടുണ്ടാവില്ല….
ഞാൻ ലച്ചുവിനെയും കൊണ്ട് അവിടെ നിന്നിറങ്ങി വണ്ടിയെടുത്തു.
അവൾ വന്നു ലച്ചുവിനെ പിടിച്ച് മടിയിലിരുത്തി മുൻസീറ്റിൽ വന്നിരുന്നു.
അവൾ ലച്ചുവിന്റെ മുഖത്തുണ്ടായിരുന്ന ക്രീമും
ഡ്രസ്സ്‌ നനച്ചിരുന്ന ജ്യൂസും കൈ കൊണ്ട് തുടച്ചു.