ദേവീ പാർവതി.. [യുവ ഗന്ധർവ്വൻ] 261

ഞാൻ തിരിഞ്ഞ് നോക്കി
“ലച്ചുട്ടി ഇവിടെയാണ് കിടക്കുന്നത്”
“നിങ്ങൾ അവിടെ കിടന്നോളൂ….
ഞാൻ പുറത്ത് കിടന്നോളാം… എന്നാൽ…”
“അതല്ല… അറ്റത്ത് കിടന്നാൽ മതി … അവളെ ഞാൻ നടുവിൽ കിടത്തിക്കോളാം ”
ഞാൻ ഒന്ന് മൂളി.
ലച്ചുട്ടി അവളുടെ ഒരു ചെറിയ തലയിണയും കെട്ടിപിടിച്ച് ഉള്ളിലേക്ക് കയറി വന്നു..
അച്ഛനും അമ്മയും പുറത്തുണ്ടായിരുന്നു…
“അവൾ കുസൃതി കാണിക്കും. ഉറങ്ങാൻ വിടില്ലട്ടോ….. നിങ്ങളെ….”
അമ്മയാണ്
“അത് സാരമില്ലമ്മേ…. ഞങ്ങൾ ഇന്ന് ഉറങ്ങുന്നില്ല…”
ഞാൻ അവളെ പിടിച്ച് പൊക്കി അമ്മയോട് പറഞ്ഞു.
അവർ ഗുഡ്‌നൈറ്റ് പറഞ്ഞു തിരിച്ചുപ്പോയി..

അവൾ എന്റെയും ദേവിയുടെയും കൈ പിടിച്ച് ഇരുന്ന് കഥ പറയുകയാണ്…
ഏതൊക്കെയോ കൂട്ടുകാരികളുടെ പേരൊക്കെ പറയുന്നുണ്ട്.
അവളുടെ വാതോരാതെയുള്ള സംസാരം കേട്ട് എനിക്ക് ചിരി വന്നു.
ദേവി കിടന്നതും ഉറങ്ങി…. ഞാൻ ലച്ചുവിനെ നോക്കി, അവളുടെ കത്തിയടിയും കേട്ട് മെല്ലെ മയക്കത്തിലേക്ക്….

രാവിലെ ദേവിക്ക് എന്തോ പർച്ചെസിങ് ഉണ്ടെന്ന് പറഞ്ഞിരുന്നു.
ഞാൻ അവളെയും ലച്ചുവിനെയും കൊണ്ട് മാളിൽ കയറി അവൾക്ക് വേണ്ടതും ലച്ചുവിന് വേണ്ടതും എല്ലാം വാങ്ങിക്കൊടുത്ത്
ജ്യൂസ്‌ കുടിക്കാൻ കയറിയപ്പോളാണ്…… ദേവി അവൾക്ക് ഒന്നും വേണ്ടെന്ന് പറഞ്ഞത്…
ലച്ചുവും ഞാനും നിർബന്ധിച്ചിട്ടും അവൾ കഴിക്കാൻ തയ്യാറായില്ല.