ദേവീ പാർവതി.. [യുവ ഗന്ധർവ്വൻ] 261

“ഞാൻ എറണാകുളം ഒരു കമ്പനിയിൽ ഓപ്പറേഷൻ വിങ്ങിന്റെ കമാന്ഡർ ആണ്..”മറുപടി നൽകി.

“മ്മ്”

“താനോ?.. ”

“ഞാൻ എം എസ് സീ ചെയ്യുന്നു….തൃശ്ശൂർ കോളേജിൽ…”

“മ്മ് ”

“മ്മ്”

“നമ്മൾ ഇന്നലെ ബസിൽ വച്ചു കണ്ടിരുന്നു”

“നിക്ക് ഓർമ ണ്ട് ഏട്ടനെ..

ഏട്ടൻ വരുന്നത് ഞാൻ അകത്തുനിന്ന് കണ്ടിരുന്നു…”

“ഓഹ് .. എനിക്ക് അവളെ കണ്ടപ്പോളാ ഓർമ വന്നേ..”

ഞാൻ കുറച്ചു ഗമ ഇട്ട് നിന്നു….

“ലക്ഷ്മിയേയോ?….”

“മ്മ് ”

“നിക്ക് പെട്ടെന്ന് ഒരു വായിനോക്കിയാണെന്നാ തോന്നിയെ ട്ടൊ……”

തീരുമാനമായി….

അങ്ങനെ ഫസ്റ്റ് ഇമ്പ്രെഷൻ ഊ…….

“ഞാൻ അങ്ങനെ ഒന്നും അല്ല ”

” നിക്ക് തോന്നിതാവും… ”

ഞാൻ തിരിച്ചു നടക്കാൻ ഇറങ്ങി…

അവൾ ഒന്നും മിണ്ടുന്നില്ല.

സാരിയുടെ മുന്താണിയിൽ തെരുപിടിച്ചു നിൽക്കുകയാണ്…

എന്നാലും…

“ഞാൻ അവരോടെന്താ പറയാ?”

” ന്താ ഏട്ടാ?”

“അല്ല ഞാൻ തന്റെ അച്ചനോടെന്താ പറയണ്ടേ?”

“ഏട്ടനിഷ്ടമുള്ളതെന്തും…പറഞ്ഞോളൂ…… ”

“തനിക്കെന്തെങ്കിലും പ്രശ്നം ണ്ടോ?”

അവൾ ഒന്ന് തല ഉയർത്തി നോക്കി……

ഞാൻ ഒന്ന് നടുങ്ങി…..

അവൾ മറ്റു വല്ലതും കരുതിയോ?