അപരാജിതൻ -47 4916

അവളുടെ ദിവ്യമായ ചൈതന്യം ആ പ്രദേശമാകെ പ്രഭാപൂരിതമായി നിൽക്കുന്നു.

“അംഗഭൈരവാ,,,മാനവരൂപത്തിൽ ധ്യാനം ചെയ്യുന്ന ആര്യതാരയെ പ്രാപിച്ച് അവളുടെയുള്ളിലെ വിശിഷ്ടമായ തേജോഗുണത്തെ മാരയിലേക്ക് ആവാഹിക്കൂ”

തന്റെ കാതുകളിൽ ഗുരൂപദേശം മുഴങ്ങി കേട്ടപ്പോൾ

അംഗഭൈരവൻ അല്പംനേരം കണ്ണടച്ചു നിന്നു.

കണ്ണ് തുറന്നു മറ്റെല്ലാം മറന്നു ആര്യതാരയുടെ അഴകിനെ മാത്രം ശ്രദ്ദിച്ചു.

താൻ ഇതുവരെ  ഭോഗിച്ച ആയിരം കന്യകളേക്കാൾ കോടിമടങ്ങുകൾപ്പുറമുള്ള സൗന്ദര്യത്തിൽ അംഗഭൈരവൻ സകലതും മറന്നു.

അയാളുടെ ഉള്ളിൽ അടങ്ങാനാകാത്ത കാമവികാരം ഉടലെടുത്തു.

മാരവിഗ്രഹത്തെ മാറിൽ ചേർത്ത് പിടിച്ചു കൊണ്ട് അംഗഭൈരവൻ കാമാവേശത്തോടെ ആര്യതാരയുടെ സമീപത്തേക്ക് ഓടി.

അയാൾക്ക് പുറകെ ചെന്നായയുമോടി.

@@@

കമലപുഷ്പത്തിനു കീഴെ ധ്യാനം ചെയ്യുന്ന പ്രഭാമയിയായ ആ കൗമാരപ്പെൺകൊടിയുടെ മുന്നിൽ അംഗഭൈരവ൯ കിതച്ചു നിന്നു.

ആവേശത്തോടെ അംഗഭൈരവൻ, ആര്യതാരയുടെ പദ്മമുദ്ര പിടിച്ച കരങ്ങളിൽ മുറുകെ ചേർത്ത് പിടിച്ചു.

അതെ നിമിഷം

ശക്തിയായ ഒരു ഇടിമിന്നൽ മുകളിൽ ഉയർന്നു നിൽക്കുന്ന താമരയിൽ നിന്നുമുണ്ടായി.

അത് നേരെ അംഗഭൈരവന് മേലെ പതിച്ചതും അയാൾ അവിടെ നിന്നും ഒരുപാട് ദൂരം പിന്നിലേക്ക് തെറിച്ചു വീണു.

അന്നേരം

മാനമിരുട്ടി,  കാറും കോളും നിറഞ്ഞു ,  ശക്തമായ ഇടിവെട്ടും മിന്നലോടെയും പേമാരി പെയ്തു.

ഭയന്ന് അംഗഭൈരവൻ എഴുന്നേറ്റു, അയാൾക്കൊപ്പം ചെന്നായയും നിന്നു.

താമരയുടെ കീഴിലേക്ക് നോക്കിയപ്പോൾ കാണുന്നത്

ഉഗ്രകോപത്താൽ വിറയ്ക്കുന്ന ആര്യതാരയുടെ കൗമാരരൂപത്തെ.

അവൾക്കു ചുറ്റും തീക്ഷ്ണമായ പ്രകാശം നിറഞ്ഞു.

ഭയത്തോടെ അംഗഭൈരവൻ വിറച്ചു.

“അംഗഭൈരവാ,,,,” ആര്യതാര കോപിഷ്ഠയായി അലറി.