അപരാജിതൻ -47 4916

ഒരു സുപ്രഭാതത്തിൽ അവനെ നടുക്കിക്കൊണ്ടു അവന്റെ ജീവിതത്തിൽ ഇളം പ്രായത്തിൽ ചില മാറ്റങ്ങൾ സംഭവിച്ചു.

അവനു ജരാനരകൾ ബാധിച്ചു മുടി നരച്ചു ദേഹം ചുക്കിചുളിഞ്ഞു, ആരോഗ്യത്തിനു ക്ഷയം സംഭവിച്ചു, തന്റെ ലൈംഗികശേഷി പൂർണ്ണമായും നഷ്ടമായി.

ആളുകൾ അവനെ പരിഹസിക്കാൻ തുടങ്ങി, എല്ലാവരും അവനെ അകറ്റിനിർത്തി.

അവന്റെ ആരാധികമാരായി ദേഹം നൽകിയ യുവതികൾ പോലും അവനു മുന്നിൽ വാതിൽ കൊട്ടിയടിച്ചു.

തന്റെ സൗന്ദര്യത്തിൽ ഏറെ അഭിരമിച്ചിരുന്ന അംഗഭൈരവന്  തനിക്ക് വേഗം വാർദ്ധക്യം ബാധിച്ചത് സഹിക്കാനാകുമായിരുന്നില്ല.

വാർദ്ധക്യം ഒഴിവാക്കി തന്റെ സൗന്ദര്യത്തെ ദീർഘകാലം സംരക്ഷിക്കാ൯ അംഗഭൈരവൻ പോംവഴി തേടി നാടൊട്ടുക്ക് അലഞ്ഞു.

വൈദ്യൻമാരെയും സിദ്ധൻമാരെയും മാന്ത്രിക൯മാരെയും സമീപിച്ചു.

പക്ഷെ ആർക്കും അവനെ സഹായിക്കാൻ സാധിച്ചില്ല.

തന്റെ ആരോഗ്യവും സൗന്ദര്യവും ഇല്ലാതെയാകുന്നത് അവനു സഹിക്കാവുന്നതിനും അപ്പുറമായിരുന്നു.

അംഗഭൈരവൻ അത് താങ്ങാനാകാതെ മരിക്കുവാൻ തീരുമാനിച്ചു.

കാടുകയറി ഹിംസ്രമൃഗങ്ങൾക്ക് ഭക്ഷണമായി മരണം വരിക്കുവാനായിരുന്നു അയാൾ തീരുമാനിച്ചത്.

ഒരു അമാവാസി നാൾ , അംഗഭൈരവൻ കപിലവസ്തുവിനകലെയുള്ള ഘോരവനം കയറി.

ഏറെ ദൂരം നടന്നപ്പോൾ

അയാൾക്ക് മുന്നിൽ വിശന്നു വലഞ്ഞ ഭീകരനായ ചെന്നായ വന്നു നിന്നു.

മരിക്കാൻ തീരുമാനിച്ചിരുന്നുവെങ്കിലും, മുന്നിൽ മരണത്തെ കണ്ടു പേടിച്ചു അംഗഭൈരവൻ കാട്ടിലൂടെ പ്രാണരക്ഷാർത്ഥം ഓടി.

തനിക്ക് മേലേക്ക് ചെന്നായ ചാടിവീണത് മാത്രം ഓർമ്മനിർത്തിക്കൊണ്ട് അംഗഭൈരവൻ കുഴഞ്ഞു ബോധമറ്റു വീണു.

കണ്ണ് തുറക്കുമ്പോൾ ഒരു ഗുഹയുടെ ഉള്ളിൽ കാട്ടു വേഷം ധരിച്ചു മുടിയും താടിയും ജട വളർന്ന ഒരു വൃദ്ധനെയാണ് കാണുന്നത് അയാൾ മാരോപാസന ചെയുന്ന ദുർമാന്ത്രികനായിരുന്നു.നൂറു വയസ്സ് പിന്നിട്ട പടുവൃദ്ധനായ വൃകമാരതിലകൻ.

അയാളുടെ അരികിൽ അനുസരണയോടെ അയാളുടെ കാൽപാദം നക്കി തുടച്ചു താൻ നേരത്തെ കണ്ട ചെന്നായയും ഇരിക്കുന്നു,

അവന്റെ വിഷമതകൾ അയാൾ ചോദിച്ചറിഞ്ഞു.

ജീവിതകാലം മുഴുവനും മാരയ്ക്ക് തന്റെ ആത്മാവിനെ അടിമയായി സമർപ്പിച്ചു തന്റെ ശിഷ്യനായി തനിക്ക് ശേഷവും മാരപൂജകൾ ചെയ്തു ജീവിച്ചാൽ അവന്റെ ദുഖങ്ങൾക്ക് അറുതി വരുത്താമെന്നയാൾ അവനുറപ്പ് നൽകി..

അതിനവ൯ തയ്യാറായാൽ അവനു ആയിരം സംവത്സരം സൗന്ദര്യവും യൗവ്വനവും ലൈംഗികശേഷിയും അമരത്വവും നേടാമെന്ന് അവനുറപ്പ് നൽകി.