അപരാജിതൻ -47 4918

സൂര്യനുദിക്കാൻ വളരെ കുറച്ചു സമയം മാത്രം.

യോറി കിഴക്ക് ദിക്കിലേക്ക് നോക്കി നിരാശയോടെ നിന്നു.

“പിതാമഹാ,,,ഇവനെ പരാജയപ്പെടുത്തി ഇവന്റെ കൈയിലെ ഈ ചിന്താമണി സ്വന്തമാക്കാൻ ഒരു വഴിയുമുണ്ടാകില്ലേ ,,ഒന്ന് രെമതി ദേവിയോട് അപേക്ഷിച്ചു നോക്കൂ…സമയം ഇനി വളരെ കുറച്ചേയുള്ളൂ”

യോറി , കൈകൾ കൂപ്പി തന്റെ ആവശ്യം അറിയിച്ചു കൊണ്ട് ലാമോ ദേവിയുടെ മന്ത്രങ്ങൾ ജപിച്ചു.

ഇരുവരും വീണ്ടും ജലാശയത്തിലേക്ക് നോക്കി.

അന്നേരം

സ്ഫടികം പോലെ തിളങ്ങിയുരുന്ന ജലാശയം പൂർണ്ണമായും കറുപ്പുനിറത്തിലായി.

ജലാശയത്തിൽ ശക്തമായി ഒരു ഇടിമിന്നൽ പ്രതീതിയുണ്ടായി.

എങ്ങും കാറ്റും കോളും.

ജലാശയത്തിനുള്ളിൽ:

ഒരു ചുവന്ന പൊട്ടുപോലെ ഒരു പ്രകാശം തെളിഞ്ഞു.

അതല്പം നേരം വട്ടം ചുറ്റി അണ്ഡകൃതിയായി ഒരു മുട്ടയുടെ പോലെ.

അത് ഉഗ്രസ്ഫോടനത്തോടെ പൊട്ടിത്തെറിച്ചു.

അതിൽ നിന്നും തിളങ്ങുന്ന പച്ചനിറമുള്ള ഒരു ചെറുനാഗം പ്രത്യക്ഷമായി.

ആ നാഗം , ഇഴഞ്ഞു കൊണ്ടിരുന്നു , ഇഴയുംതോറും അതിനു നീളവും വണ്ണവും വർദ്ധിച്ചു.

ഫണമുയർത്തി, പുളഞ്ഞുനീങ്ങുന്ന ആ നാഗത്തിനു മെല്ലെ രൂപമാറ്റം സംഭവിക്കുവാൻ ആരംഭിച്ചു.

ഫണത്തിൽ കൂന്തൽ വളർന്നു.

ശല്ക്കങ്ങൾ പൊഴിഞ്ഞു വീണു.

ഉടലിൽ കൈകാലുകൾ മുളച്ചു

വാൽ അപ്രത്യക്ഷമായി.

പൂർണ്ണ നഗ്നയായ കാമം തുളുമ്പുന്ന കണ്ണുകളുമായി ഒരു അതിമാദകത്വം തുളുമ്പുന്ന യുവതിയായി മാറി.

അവളുടെ കണ്ണുകളിൽ പക കനൽ പോലെ കത്തിയെരിയുകയായിരുന്നു.

അവൾ പുഞ്ചിരിച്ചു കൊണ്ട് നാവു നീട്ടിയപ്പോൾ സർപ്പത്തിന്റെ ഇരട്ടനാവാണ് പുറത്തേക്ക് വന്നത്.

അവളുടെ മേൽവരിയിലെ പല്ലുകളിൽ രണ്ടെണ്ണം സർപ്പത്തെ പോലെ വിഷദംഷ്ട്രയായിരുന്നു.

ക്ഷണനേരം കൊണ്ട് ആ ദൃശ്യവും ജലാശയത്തിൽ നിന്നും മറഞ്ഞു പോയി.

ആശ്‌ചര്യത്തോടെ യോറി നാബോയെ മുറുകെപിടിച്ചു.

“യോറി,,ഇവൾ ,,ഇവൾ നിന്നെ സഹായിക്കും ,,ഇവളിലൂടെ നിനക്കവനെ കീഴ്പ്പെടുത്താം, അവന്റെ കൈവശമുള്ള ചിന്താമണി സ്വന്തമാക്കുകയും ചെയ്യാം,,എത്രയും വേഗം ഇവളുടെയടുത്ത് എത്തിച്ചേരണം”