അപരാജിതൻ -47 4916

“തങ്ങളുടെ ആരാധനമൂർത്തിയായ  മാരയിലേക്ക്, അതിശക്തമായ ഉന്നതമായ തേജോഗുണം ആവാഹിച്ചു നൽകണം, അത്യുഗ്രമായ ഈ ഗുണം മാരയിലേക്ക് ആവാഹിക്കപ്പെട്ടാൽ മാര ഈശ്വരന് തുല്യനാകും, അതിലൂടെ മാര സംപ്രീതനാകും, മാരയെ പ്രീതനാക്കുവാൻ അദ്ദേഹത്തിന് സാധിച്ചിട്ടില്ല ,പകരം ശിഷ്യനായ അംഗഭൈരവൻ സാധിച്ചു നൽകണം”

അവനതു സാധിച്ചു നൽകാമെന്ന് ഉറപ്പ് നൽകി.

വൃകമാരതിലകൻ തന്റെ ജീവൻ അൽപ്പനേരം കൂടെ പിടിച്ചു നിർത്തി വിറയ്ക്കുന്ന ദേഹത്തോടെ ഇടറുന്ന കണ്ഠത്തോടെ അതിനായി എന്താണ്  ചെയ്യേണ്ടത് എന്ന് പറഞ്ഞു.

ഗുരുവിന്റെ ഉപദേശം കേട്ട് നടുക്കത്തോടെ അംഗഭൈരവൻ തനിക്കൊരിക്കലൂം അതിനാകില്ല എന്ന് അറിയിച്ചു.

നീയിത് ചെയ്തേ മതിയാകൂ ” എന്ന് കഠിനമായ നിർദേശം നൽകി ഗുരു അന്ത്യശ്വാസം വലിച്ചു.

വിഷമത്തോടെ അൽപ്പം നേരം ഗുരുവിനെ പൊതിഞ്ഞു പിടിച്ച അംഗഭൈരവൻ , ഗുരുവിന്റെ ദേഹം ചൂടാറും മുൻപ് മാരയുടെ ശിലാവിഗ്രഹത്തിനു മുന്നിൽ കിടത്തി , പാറകല്ലുകൊണ്ട്  പ്രാണൻ നഷ്ടമായ ഗുരുവായ വൃകമാരതിലകന്റെ തലയോട് കല്ലുകൊണ്ട് അടിച്ചു പൊളിച്ച് പുറത്തേക്ക് വന്ന തലച്ചോറ് ഭക്ഷിച്ചു.

അതോടെ , ഗുരുവിന്റെ  നിഗൂഢങ്ങളായ പല അറിവുകളൂം വിചാരങ്ങളും സങ്കൽപ്പങ്ങളും പൂർണമായും അംഗഭൈരവനിലേക്ക് കൈ വന്നു.

ഗുരുവായ വൃകമാരതിലകന്റെ  മൃതദേഹം മണ്ണിൽ കുഴിച്ചിട്ട് നമസ്കാരം അർപ്പിച്ചതിന് ശേഷം താൻ സ്വയം അടിമപ്പെടുത്തിയിരിക്കുന്ന മാരയുടെ ശിലാവിഗ്രഹവും എടുത്ത് അംഗഭൈരവൻ അവിടെ നിന്നും യാത്ര തിരിച്ചു.

ഹിമാലയ പർവ്വത നിരയിലുള്ള ഉയർന്ന കൊടുമുടിയിലേക്ക്.

അവനു പിന്നാലെ വൃദ്ധൻ അരുമയായി വളർത്തിയ ചെന്നായയും അവനെ പിന്തുടർന്നു.

@@@@@