അപരാജിതൻ -47 5202

വൃദ്ധനായ നാബോ എഴുന്നേറ്റു, ദേഹം കമ്പിളി കൊണ്ട് മൂടിപുതച്ചു.

ഗ്രന്ഥവും വജ്രകളൂം മാറാപ്പിൽ പൊതിഞ്ഞു യോറി നെഞ്ചോടു ചേർത്ത് കെട്ടി.

തന്റെ പിതാമഹനായ നാബോയെ തന്റെ പുറത്തു ചേർത്ത് കെട്ടിയിരുത്തി.

വിഹാരത്തിൽ നിന്നും പുറത്തേക്ക് നടന്നു.

അന്നേരം ഹിമപാതത്തിന്റെ കാഠിന്യം കൂടിയിരുന്നു.

“യോറി,,സൂര്യനുദിക്കും മുൻപായി നമുക്ക് ലാത്സൊ യിലെത്തണം, വേഗമാകട്ടെ, എവിടെയും നിൽക്കരുത് , മൂന്നു പർവ്വതനിരകൾ  നമുക്ക് കയറേണ്ടതുണ്ട് ”

തന്റെ പിതാമഹൻ പറയുന്നത് അനുസരിച്ചുകൊണ്ട് യോറി , അദ്ദേഹത്തെ പുറത്തേന്തി വേഗത്തിൽ മഞ്ഞു പുതഞ്ഞ ചെങ്കുത്തായ പർവ്വതനിരകളിലൂടെ മുകളിലേക്ക് നടന്നു. അതിവേഗം നടന്നു നീങ്ങിയ യോറി, ഒരു മണിക്കൂറിനുള്ളിൽ ലാത്സൊയിലെത്തി.

ലാമോ ലാത്‌സോ (Lhamo La-tso)

തിബത്തിലെ ലോഖ പ്രവിശ്യയിൽ സമുദ്രനിരപ്പിൽ നിന്നും പതിനേഴായിരമടി ഉയരയുള്ള പർവ്വതകൂട്ടങ്ങൾക്കിടയിലുള്ള ഒരു നിഗൂഢസ്ഥാനമാണ്.ശ്രീദേവിയുടെ ആത്മീയതടാകം എന്നൊരു അപരനാമത്തിലാണ് ലാമോ ലാത്‌സോ അറിയപ്പെടുന്നത്.

മഞ്ഞുമൂടിയ പർവ്വതനിരകൾക്കിടയിലായി സ്ഥിതി ചെയുന്ന അണ്ഡകൃതിയിലുള്ള ഒരു തടാകം.

ആ പ്രദേശത്തിലധിവസിക്കുന്നത് തിബത്തൻ താന്ത്രികബുദ്ധിസത്തിലെ ദേവതയായ പാൽഡൺ ലാമോയാണ്.

രേമതി എന്നും ശ്രീ ദേവി എന്നും നാമങ്ങളുണ്ട്  പാൽഡൺ ലാമോയ്ക്ക്.

കണ്ണാടിപോലെ തിളക്കമാർന്ന ആ തടാകത്തിലെ ജലത്തിൽ മായകാഴ്ചകൾ കാണുമെന്നാണ് വിശ്വാസം.

ലാമയെ തിരഞ്ഞെടുക്കുന്ന സമയം മുതിർന്ന ബുദ്ധഭിക്ഷുക്കൾ ഉപാസനകളോടെ അവിടെ ചെന്ന് ആ തടാകത്തിൽ നോക്കി മനസ്സിലാക്കിയാണ് അവർ വിവരങ്ങൾ ശേഖരിക്കുന്നത്.

ഉപാസനകളോടെ ആ ജലത്തിൽ നോക്കിയാൽ തങ്ങളുടെ ജീവിതവുമായി ബന്ധപ്പെട്ട വിവരങ്ങൾ അറിയാൻ സാധിക്കുമെന്ന് തീർത്ഥാടക൪ വിശ്വസിക്കുന്നു.

@@@@@