അപരാജിതന്‍ 27 [Harshan] 9767

“മോളെ ന്നു വിളിച്ചല്ലോ ,,തുടർന്നും അത് വിളിച്ചാൽ മതി മുത്തശ്ശാ ,,,ഞങ്ങളും നിങ്ങളെപ്പോലെ മനുഷ്യരാണ് ദേവർമ്മഠത്തെ സമരേന്ദ്ര ദേവപാലരുടെ ഇളയമകളായ മാലിനിയുടെ മക്കളാണ് ഞങ്ങൾ,,,, ഇതെന്‍റെ ഏട്ടനാണ് പേര് ശ്യാം ,, ”

എല്ലാവരും ശ്യാമിനെ വണങ്ങി

ശ്യാമും തിരിച്ചു തൊഴുതു.

“മക്കളെന്തെ ഇങ്ങോട്ടു വന്നത് ,,എന്തെങ്കിലും ഞങ്ങളുടെ ഭാഗത്തു നിന്നും ചെയ്തു തരേണ്ടതുണ്ടോ ?” മുത്തശ്ശൻ ചോദിച്ചു

“ഒന്നുമില്ല മുത്തശ്ശാ ,, വെറുതെ എല്ലാവരെയും അതുപോലെ നിങ്ങളുടെ ഈ ഗ്രാമവും ഒന്ന് കാണാനായി വന്നതാണ് ,, നിങ്ങൾ അനുവദിക്കുകയാണെകിൽ ഒന്ന് ഉള്ളിലൊക്കെ കാണണമെന്നുണ്ട് മുത്തശ്ശാ ”

“അയ്യോ ,,എന്താ ഈ പറയുന്നത് ,, ഞങ്ങൾ അനുവദിക്കുകയാണെങ്കിലെന്നോ ,,, അങ്ങനെയൊന്നും പറയാതെ ,, വന്നാട്ടെ ,,, ഇരുവരും വന്നാട്ടെ ” എന്നുപറഞ്ഞു കൊണ്ട് വൈദ്യർ മുത്തശ്ശൻ ഇരുവരെയും ഉള്ളിലേക്ക് ക്ഷണിച്ചു .ചിരിച്ചു കൊണ്ട് ഇരുവരും ഉള്ളിലേക്ക് പ്രവേശിക്കാനായി കവാടത്തിലേക്ക് ചെന്നു.

പാർവ്വതി തന്‍റെ വലംകാൽ ശിവശൈലത്തെ മണ്ണിൽ പതിപ്പിച്ചു.

ഉടനടി ആ പ്രദേശമാകെ കുളിർമ്മയേകുന്ന ഇളം തെന്നല്‍ വീശാൻ തുടങ്ങി.

നിർത്താതെ അലയടിക്കുന്ന ഇളം കാറ്റ്.

മുൻപ് ആദിശങ്കരൻ കാൽ വച്ചപ്പോൾ രൗദ്രഭാവത്തിലുള്ള കാറ്റാണ് വീശിയതെങ്കിൽ പാർവതി കാൽ പതിപ്പിച്ചപ്പോൾ ശാന്തമായ ഇളം തെന്നലു൦

അതെ സമയം തന്നെ ,

ഗോശാലയിൽ ഒരു പശുവിന്‍റെ അലമുറ ശബ്ദമുയർന്നു

പ്രസവസമയത്തെ അലമുറയായിരുന്നു.

അത് പെട്ടെന്ന് നിൽക്കുകയും ചെയ്തു

പാർവ്വതി എന്താണെന്നു അറിയാനായി നില്കുമ്പോൾ

“ഒന്നുമില്ല മോളെ ,, മോള് വന്ന സമയത്തു തന്നെ പശു പ്രസവിച്ചതാ ” സന്തോഷത്തോടെ വൈദ്യർ മുത്തശ്ശൻ പറഞ്ഞു.

അവളുടെ മുഖത്ത് ഒരു പുഞ്ചിരി തെളിഞ്ഞു

അവർ നടുക്കുള്ള ആൽമരചുവട്ടിലേക്ക് നടന്നു

അപ്പൊളേക്കും ബാലവർ വേഗമോടിഅവരുടെ സമീപത്തേക്ക് വന്നു

“വൈദ്യരയ്യ ,,” എന്ന് വലിച്ചുകൊണ്ടു

“എന്താ ബാലവരെ ?’

‘വൈദ്യരയ്യ ,,,പെൺകിടാവാണ്‌ പിറന്നത് ,, ലക്ഷണമൊത്ത കിടാവ് ,,നെറ്റിയിൽ എട്ടു പുള്ളികളുണ്ട് ” സന്തോഷത്തോടെ ബാലവർ പറഞ്ഞു

“കാമധേനുവിന് സമമാണ് ,,, അഷ്ടലക്ഷ്മിമാരുടെ അടയാളമാണ്,,, ” എന്നുപറഞ്ഞു കൊണ്ട് വൈദ്യർ കൈകൾ കൂപ്പി

“കണ്ടോ ,,മോള് കാൽ വെച്ചതിന്‍റെ ഐശ്വര്യമാണ്‌ ,,” ഉമാദത്തൻ അവളോട് പറഞ്ഞു

അവൾ ഒന്ന് പുഞ്ചിരിച്ചു.