അപരാജിതന്‍ 27 [Harshan] 9767

സിവെല്ലൂരി കുടു൦ബം സ്റ്റേജിൽ നിന്നും ഇറങ്ങി കൈകൊട്ടി ആവേശം കാണിച്ചു കൊണ്ടിരുന്നു.

ഗോവിന്ദ റെഡ്ഢിയുടെ ഭാര്യയായ ജാനകി ദേവിയുടെ കണ്ണുകൾ സന്തോഷം കൊണ്ട് തുളുമ്പി

ഇരുപതു കൊല്ലം മുൻപുള്ള തന്‍റെ ഭർത്താവിനെ അതെ വീറും വാശിയോടും കൂടെ കാണാൻ സാധിച്ചതിൽ

അവരെറേ സന്തുഷ്ടയായിരുന്നു.

പ്രജക്തയും പ്രദീകും എല്ലാം കാമറയിൽ പിടിച്ചു കൊണ്ടിരുന്നു

നിരുപമ കൈകൾ കൂപ്പി പ്രാർത്ഥിച്ചു കൊണ്ടിരുന്നു.

നന്ദികേശന്‍റെ വലിയ പ്രതിമയെ ചുറ്റി സിവെല്ലൂരി കാളകള്‍ കുതിച്ചു

അതിനു പിന്നിലായി ജഗന്നാഥന്‍റെ കാളവണ്ടിയും

അവരിരുവരും ഒപ്പത്തിനൊപ്പം തിരിച്ചു കുതിച്ചു കൊണ്ടിരുന്നു.

ജഗന്നാഥന്‍ ഏര്‍കാലില്‍ കെട്ടിയ കയറില്‍ ചവിട്ടിഉയര്‍ന്നു കൊണ്ട് കാളകളെ ചമ്മട്ടിക്ക് അതിഭയങ്കരമായി വീശി. അതോടെ അയാളുടെ കറുത്തകാളകള്‍ കുതിച്ചു കൊണ്ട് അല്പം ഉയര്‍ന്നു ചാടി മുന്നോട്ട് കുതിച്ചു, ഇഞ്ചോടിഞ്ചു വ്യത്യാസത്തില്‍ സിവെല്ലൂരി കാളകള്‍ക്ക് മുന്നില്‍ കയറി.

“മുത്തശ്ശാ ,,,,,” എന്നുറക്കെ ആദിയലറി.

ഒരു വേട്ടനായയുടെ ശൗര്യത്തോടെ ഗോവിന്ദറെഡ്ഢി മുത്തശ്ശൻ കയറിൽ പിടിമുറുക്കി മുഖമൽപ്പം ചരിച്ചു ജഗന്നാഥന്‍റെ വണ്ടിയുടെ മുന്നേറ്റം നോക്കി. വണ്ടിയുടെ ഏർകാലിൽ കാലമർത്തി ചമ്മട്ടികൊണ്ടു വലത്തേ കാളയുടെ പിൻതുടയിൽ ആഞ്ഞടിച്ചു. അതോടെ വലത്തേ കാള അല്പം കുതിച്ചു മുന്നോട്ടു ഓടിയപ്പോൾ തന്നെ ഇടത്തെ കാളയുടെ പിന്തുടയിലും ചമ്മട്ടിക്ക് വീശി കൈയിലെ കയർ അയച്ചു.

അതോടെ ഇരു കാളകളും അതിവേഗം മുന്നോട്ടു പാഞ്ഞുകൊണ്ടു ഒപ്പത്തിനൊപ്പം ജഗന്നാഥൻ്റെ വണ്ടിയോടൊത്തു പാഞ്ഞു.

പെട്ടെന്നായിരുന്നു

ജഗന്നാഥന്റ്റെ കാളവണ്ടി അല്പം ഇടത്തേക്ക് കയറി ഒപ്പം പോകുന്ന സിവെല്ലൂരി കളവണ്ടിയുടെ ഇടത്തെ ചക്രത്തിന്‍റെ മധ്യഭാഗത്തു മുട്ടിയത്.

പെട്ടെന്നുള്ള ശക്തമായ മുട്ടലിൽ ചക്രത്തെ ബന്ധിപ്പിച്ചിരിക്കുന്ന കീലാണി ഇളകി പിന്നിലെക്കിറങ്ങി.

ആദിയും സിവല്ലൂരി റെഡ്ഢിയും ആ മുട്ടലിൽ അല്പം സ്ഥാന൦ മാറിയെങ്കിലും അവർ മുറുകെ പിടിച്ചു കൊണ്ട് കാളകളെ വർദ്ധിത വീര്യത്തോടെ തെളിച്ചു.

ജഗന്നാഥൻ അല്പം അവരെ കവച്ചു മുന്നോട്ടു കയറിയിരുന്നു.

അപ്പോളേക്കും മൂന്നു നാല് കാളവണ്ടികൾ കൂടെ വേഗത കൂട്ടി സിവെല്ലൂരി കാളവണ്ടിക്കു ഒപ്പത്തിനൊപ്പമായി പാഞ്ഞുകൊണ്ടിരുന്നു ഏർകാലിൽ മുട്ടുചേർത്തുകൊണ്ടു റെഡ്ഢി മുത്തശ്ശൻ ചമ്മട്ടി വീശി കാളകളെ വീണ്ടും മുന്നോട്ടു വേഗത്തിൽ തെളിച്ചു.കാളകൾ അതിവേഗം കുതിച്ച നേരം തന്നെ ഇടത്തെ ചക്രത്തിന്‍റെ കീലാണി ഊരി മാറി . അതറിയാതെ കാളവണ്ടി മുന്നോട്ടു തന്നെ പോയിക്കൊണ്ടിരുന്നു