അപരാജിതന്‍ 27 [Harshan] 9764

“അപ്പോ എന്തായാലും അതും കൂടാനൊരു ഭാഗ്യമുണ്ടായി ,,അല്ല ആൻറി എന്താ നിങ്ങളുടെ കുടുംബത്തിന് ഇന്നാട്ടിലെ പ്രത്യേകത ?”

“അപ്പൂ ,,സിവെല്ലൂരി കുടുംബം എന്നത് പണ്ട് കാലം മുതലെ ജന്മികളും ഭൂവുടമകളുമാണ് ,, പിന്നെ ഇവിടത്തെ ഏറ്റവും വലിയ കൃഷിക്കാരാണ് ,, പല ബിസിനസുകളുമുണ്ട് , ,,, പിന്നെ ഇന്നാട്ടിലെ ഗവണ്മെന്റ് കോൺട്രാക്ട് വർക്കൊക്കെ ഈ കുടുംബമാണ് ചെയുന്നത്..അതൊക്കെയാണ് ഇവിടത്തെ ഇൻകം ”

“ശരിക്കും പറഞ്ഞാൽ ഒരു രാജാക്കന്മാരെ പോലെയുള്ള ഒരു കുടുംബം അല്ലെ ആൻറി ”

“അത്രയൊന്നുല്ല അപ്പൂ,,, ”

“അതൊക്കെ പോട്ടെ ആൻറി ,,,അല്ല ഇവിടത്തെ മാമന്മാരെയൊന്നും കണ്ടില്ലല്ലോ ,,എവിടെ പോയതാ ,, ”

“ഓ അതോ ,,,നാളെ കാളയോട്ടമുണ്ട് ,,,അതിന്‍റെ കാര്യങ്ങള്ക്കായി പോയതാ ,,”

“കാളയോട്ടമോ ,,?”

“അതെ ,, എല്ലാ കൊല്ലവും ഇവിടെ നടത്തുന്നതാ ,, പല നാടുകളിൽ നിന്നും ആളുകൾ വരും പങ്കെടുക്കാൻ ”

“അപ്പൊ എല്ലാം കൊണ്ടും ഞാൻ വന്ന സമയം അടിപൊളി സമയമാല്ലേ ആൻറി …”

“പിന്നില്ലേ ,,,”

“എന്തായാലും എല്ലാവരേയുമൊന്നു കാണാൻ സാധിച്ചല്ലോ ,,അത് തന്നെ സന്തോഷം ”

“അപ്പു ,,ജയേട്ടനും ലക്ഷ്മി ചേച്ചിക്കും ഒരുപാട് ആഗ്രഹമുണ്ടായിരുന്നു എന്‍റെ നാടും വീടും കാണാൻ ,, പിന്നെയാവട്ടെ എന്ന് കരുതി നീക്കി കൊണ്ട് പോയി ,,, ഹാ ,,, എന്താ പറയാ ,,,,”

“എന്തായാലും ഞാൻ വന്നില്ലേ ആൻറി ,,, ”

“ഹമ് ,,,വാ ,,, അപ്പാ നിന്നെ അന്വേഷിച്ചിരുന്നു ,, ”

“ആര് ഗോവിന്ദ റെഡ്ഢി മുത്തശ്ശനോ ,,,?”

“അതെ ,, ”

“എന്നാ വാ ആൻറി ”

എന്നു പറഞ്ഞു കൊണ്ട് അവരെല്ലാവരും കൂടെ മാളികയിലേക്ക് നടന്നു

അവിടെ മുകളിലത്തെ നിലയിൽ അവർ ചെന്നപ്പോൾ

കാരണവരായ ഗോവിന്ദറെഡ്ഢിയും കൊച്ചുമകൻ പ്രദീക്കും ചെസ്സ് കളിക്കുകയായിരുന്നു.

ഗോവിന്ദറെഡ്ഢിക്കു ചെസ്സ് എന്നാൽ ഒരുപാട് ഇഷ്ടമാണ്.

പ്രദീക് ജർമനിയിൽ ചെസ്സ് കോച്ചിങ്ങുന് പോകുന്നുമുണ്ട്.

ആദി പ്രദീകിന്‍റെ സമീപമിരുന്നു

പാജി ഗോവിന്ദറെഡ്ഢിക്കും സമീപവും.

ഏറെ നേരമായിരുന്നു ഇരുവരും കളി തുടങ്ങിയിട്ടും.

ആദി പ്രദീകിന്‍റെ ഒപ്പമിരുന്നു കൊണ്ട് ചെസ്സ് ബോർഡിൽ നല്ലപോലെ ശ്രദ്ധിച്ചു.