അപരാജിതന്‍ 27 [Harshan] 9767

അദ്ദേഹം അവനെ കെട്ടിപിടിച്ചു

“ആരാ നിന്നെയിങ്ങനെയൊക്കെ പെരുമാറാൻ പഠിപ്പിച്ചത് മോനെ ,,,,” ആദരവോടെയും ഒത്തിരി ഇഷ്ടത്തോടെയും അദ്ദേഹം അവനോട് ചോദിച്ചു

അവനൊന്നു ചിരിച്ചു

“മുത്തശ്ശാ ,ഞാൻ പറഞ്ഞിരുന്നില്ലേ ,എന്നെ ഈ ചതുര൦ഗം പഠിപ്പിച്ചത് എന്‍റെ അമ്മയാണ്, എന്‍റെ ലക്ഷ്മിയമ്മ , അമ്മയ്ക്ക് ഒരുപാട് ഇഷ്ടമായിരുന്നു ചെസ്സ് , ‘അമ്മ പറയും ചെസ്സ് എന്നത് കളിയല്ല യുദ്ധമാണ് , അതിന്‍റെ ആത്യന്തിക ലക്‌ഷ്യം എന്നത് നമുക്ക് അധികം നഷ്ടങ്ങൾ സംഭവിക്കാതെ എതിരാളിയുടെ സൈന്യത്തെ ഇല്ലാതെയാക്കി രാജാവിനെ ബന്ധനസ്ഥനാക്കുക എന്നതും ,, ”

ഗോവിന്ദ റെഡ്ഢി ഗോപുര പടിയിൽ ഇരുന്നുകൊണ്ട് അവൻ പറയുന്നത് കേട്ടുകൊണ്ടിരുന്നു

“‘അമ്മ ചെസ്സ് ബോർഡിൽ കൈ വെച്ചാൽ പിന്നെ വേറെ ഒരാളായി മാറും , ആ കണ്ണുകളിൽ വല്ലാത്തൊരു ആവേശവും വാശിയും തീക്ഷ്ണതയുമൊക്കെ തോന്നും,, ഒരു മൂവ്മെന്റ് നടത്തിയാൽ അത് അത്രക്കും കൃത്യമായിരിക്കും, എല്ലാം കഴിഞ്ഞു എതിരാളിയെ ചെക്ക്മേറ്റ് ചെയ്യിക്കുമ്പോൾ അമ്മയുടെ മുഖത്തുണ്ടാകുന്ന ഒരു ഭാവമുണ്ട് ,, അതുപോലെ ഒരു ചിരിയും ,, ഈ രാജാക്ക൯മാർ യുദ്ധ൦ ജയിച്ചു കഴിഞ്ഞുണ്ടാകുന്ന ഭാവത്തോടെ ,, ആ കണ്ണുകളിൽ പോലും ഒരു വല്ലാത്ത തീക്ഷ്ണതയാണ്,, എന്‍റെ അറിവിൽ ഒരാളും ലക്ഷ്മിയമ്മയെ ചെസ്സിൽ തോല്പിച്ചിട്ടില്ല ,, ഞാനും ,,,,”

അദ്ദേഹം ആശ്ചര്യത്തോടെ ആദി പറയുന്നതു കേട്ടിരുന്നു.

“മുത്തശ്ശാ ,,അമ്മയുടെ ഏറ്റവും വലിയ ഒരു പ്രത്യകത എതിരെ നിൽക്കുന്ന ആളിന്‍റെ പതിനാറു മൂവുകൾ എങ്കിലും ‘അമ്മ മുൻകൂട്ടി കാണും ,, ഒരിക്കൽ ‘അമ്മയുറങ്ങുന്ന നേരം ,, ഞാൻ ചെസ് ബോർഡിൽ കരുക്കൾ നിരത്തി ,എന്നിട്ടു ഉറങ്ങുന്ന അമ്മയുടെ കാതിൽ പൊസിഷൻസ് പറഞ്ഞു കൊടുക്കും ,, ഉറക്കത്തിൽ ‘അമ്മ അതിനു എതിർ പൊസിഷൻസ് പറയും ,, അപ്പോ ഞാൻ അതിന്‍റെ എതിരെയുള്ള പൊസിഷൻ പറയും ,,’അമ്മ ഉറക്കത്തിൽ അതിനെതിരെയുള്ള പൊസിഷൻ ,പറയും ,എന്നിട്ടെന്നെ തോൽപിക്കും ,,അതായിരുന്നു ആർക്കുമറിയാത്ത അമ്മയുടെ കഴിവ് , ”

അതിശയത്തോടെ അദ്ദേഹം അത് കേട്ടിരുന്നു

“‘അമ്മ ആരോഗ്യത്തോടെ ഇരുന്ന സമയം ഒരിക്കലും എനിക്ക് അമ്മയെ തോൽപിക്കാൻ സാധിച്ചിട്ടില്ല ,,പക്ഷെ അമ്മയ്ക്ക് രോഗങ്ങൾ വന്നതും കീമോ ചെയ്തു തുടങ്ങിയതും മുതൽ അമ്മയുടെ പെട്ടെന്നുള്ള തീരുമാനങ്ങള്‍ എടുക്കാനുള്ള കഴിവിനെ സാരമായി ബാധിച്ചു തുടങ്ങിയിരുന്നു ,, അമ്മയെ ഒന്ന് ലൈവാക്കി നിർത്താനായി അച്ഛനും ഞാനുമൊക്കെ അമ്മയുടെ ഒപ്പം ചെസ്സ് കളിക്കുമായിരുന്നു.

പക്ഷെ ഒരിക്കലും അമ്മയെ ഞാൻ തോല്പിച്ചിട്ടില്ല ,, മനഃപൂർവ്വം ഞാൻ ചില മൂമെന്റുകളിൽ നിന്നും പിന്തിരിയും ,അവിടെ അമ്മ കത്തിക്കയറും ,, എന്നെ തോൽപ്പിക്കും ,, എന്നെ തോല്പിക്കുമ്പോ അമ്മയുടെ മുഖത്ത് ആ ഭാവവും ചിരിയുമൊക്കെ തന്നെയങ്ങോട്ട് വരും ,, അതൊന്നു കാണാൻ വേണ്ടിയായിരുന്നു മുത്തശ്ശാ ,, സത്യത്തിൽ