അപരാജിതന്‍ 27 [Harshan] 9784

പെട്ടെന്ന്

ഇടത്തെ ചക്രം ഇരുസിൽ നിന്നും പൂർണമായി ഊരി മാറി , അതിവേഗം കുതിക്കുന്ന വണ്ടി ഇടത്തേക്ക് ചരിയുകയും ഏർകാലിനു ഇരുവശവും കാലുറപ്പിച്ചിരുന്ന റെഡ്ഢി മുത്തശ്ശൻ നില തെറ്റി ഇടത്തേക്ക് മറിഞ്ഞു കൊണ്ട് ഇടത്തെ വശത്തു തടഞ്ഞു നിന്നു.

പെട്ടെന്നുള്ള മറിച്ചിലില്‍ ആദി ചരിഞ്ഞു പോയ വണ്ടിയില്‍ നിന്നും തലയിടിച്ചു വയല്‍ക്കളത്തിലേക്ക് മറിഞ്ഞു വീണു. വണ്ടിയില്‍ നിയന്ത്രണം പോയി പിടിച്ച് തൂങ്ങിക്കിടക്കുന്ന ഗോവിന്ദ റെഡ്ഡി മുത്തശ്ശന്‍ ഉറക്കെ “അപ്പൂ ,,,,,,,” എന്നു വിളിച്ചലറി. ചക്രം ബന്ധിപ്പിച്ചിരുന്ന ഇരുസ് മണ്ണില്‍ തൊട്ട് കാളവണ്ടി ചരിഞ്ഞു മുന്നോട്ട് പോയികൊണ്ടേയിരുന്നു.

അപ്പുവും മുത്തശ്ശനും അപകടത്തില്‍ , എണ്‍പതോളം കാളവണ്ടികള്‍ മല്‍സരിക്കുന്ന കളത്തില്‍ ഇറങ്ങി അവരെ രക്ഷിക്കുക അസാധ്യം.

നന്ദുമാമന്‍ തലയില്‍ കൈ വെച്ചുകൊണ്ട് അപ്പൂ ,എന്നലറി വിളിച്ചു.

ജാനകിദേവി ഭയന്ന് കൊണ്ട് ബോധം മറഞ്ഞു വീണു.

ഒരു ചക്രം പാടെ പോയി മണ്ണിൽ ചരിഞ്ഞു കിടന്നു കൊണ്ട് വണ്ടി കുതിക്കുകയാണ്

ഏര്‍കാലില്‍ ചരിഞ്ഞു പിടിച്ചിരിക്കുന്ന റെഡ്ഢി മുത്തശ്ശന് കാളകളെ നിർത്താൻ സാധിക്കാതെ വന്നു

വീണു ആദി പെട്ടെന്ന് എഴുന്നേറ്റതും പിന്നിലൂടെ വന്ന ശക്തിയിൽ ഓടുന്ന കാള അവന്‍റെ പുറത്തിടിച്ച ശക്തിയില്‍ അവന്‍ മേലേക്കുയര്‍ന്നു വലത്തേക്ക് നിലതെറ്റി വീണു.

നിലത്തു കിടന്ന അവൻ പിന്നിലേക്ക് തല ഉയർത്തി നോക്കിയപ്പോൾ തനിക്കു നേരെ വരുന്ന വണ്ടിയോടു ബന്ധിച്ച ചക്രം . ചക്രത്തിൽ തേയ്മാനം കുറക്കാൻ ചക്രത്തിനു ചുറ്റും പട്ടയായി ഇരുമ്പുപാളി അടിച്ചു വെച്ചതിനാൽ ആ ചക്രം തലയിലൂടെ കയറിയാൽ തലയോട് പിളര്‍ന്ന് തലച്ചോറ് പുറത്തേക്ക് വരും.

ഇരുമ്പ് പട്ട കെട്ടിയ ചക്രം ആദിയുടെ തലക്ക് വിരല്‍ വ്യത്യാസത്തിലെത്തിയതും

“അപ്പൂ ,,,,,,,” എന്നു ചേതന മാറത്തലച്ചു കരഞ്ഞു വിളിച്ചു.

(തുടരും)

ഒന്ന് കൂടെ പറഞ്ഞോട്ടെ

ഇപ്പോൾ കഥ സ്ലോ പേസിലാണ് പോകുന്നത്.
അതെനിക്കുമറിയാം.
കുറെ കാല൦ കാത്തിരിന്നിട്ട് കഥ വരുമ്പോ ഒരു ത്രില്ല് കിട്ടിയില്ലെങ്കിൽ കുറച്ചധികം പേർക്ക് നിരാശയും വരും.അത് കമന്റിൽ കാണുകയും ചെയ്യാം.ഞാൻ എഴുതി വെച്ചിരിക്കുന്ന ഭാഗങ്ങൾ ഒരുമിച്ചു പബ്ലിഷ് ചെയ്‌താൽ വായിച്ചാൽ തീരാവുന്ന നിരാശയെ ഉള്ളൂ.പക്ഷെ ഒരുമിച്ചിടാൻ നിർവാഹം ഇല്ലാത്തതിനാലാണ് ഒക്ടോബർ കഴിഞ്ഞിട്ടൊരുമിച്ചു വായിക്കാനായി പറയുന്നത്.

നിങ്ങൾ ഇപ്പോൾ നെഗറ്റീവ് കമന്റ് ഇട്ടാലും കഥ ഈ കഥയെ ഇഷ്ടപ്പെടുന്നത് കൊണ്ട് മാത്രമെന്നും അറിയാം. അത് കൊണ്ട് തന്നെ സ്നേഹം മാത്രം

വേമാവാരം അത് ആദിയുമായി ഒരുപാട് ബന്ധമുണ്ട്.
അതുപോലെ ബുദ്ധഭിക്ഷുക്കൾ സൂക്‌ഷിച്ച രഹസ്യം അതിനും ആദിയുമായി ബന്ധമുണ്ട്

അടുത്ത ചാപ്റ്ററും അത് കഴിഞ്ഞുള്ള രണ്ടു ചാപ്ടറുകളും ഇതേ പാറ്റേൺ ആണ്
അതായത് 28 29 30-

അത് കഴിഞ്ഞാൽ പിന്നെ സ്പീഡ് കൂടും കഥയും മാറും
നിരാശപെടാതെയിരിക്കുവാൻ  അറിയിക്കുന്നതാണ്

ഒന്നുകിൽ ക്ഷമാപൂർവ്വം വായിക്കുക
അല്ലെങ്കിൽ അല്പം കൂടെ കാത്തിരിക്കുക.

.

NEXT DATE OF PUBLISHING : 08.10.2021