അപരാജിതന്‍ 27 [Harshan] 9784

അവിടെ ജഗന്നാഥ സ്വാമിയുടെ വിഗ്രഹത്തിനു മുന്നിൽ വന്നു നിന്നുകൊണ്ട് ഒന്ന് ചിരിച്ചു

“അപ്പൊ ,,വാധ്യാരെ ,, മനസിലായി ,,,,,എന്‍റെ ഉള്ളിൽ മോഹമുണ്ടായി ഞാനിവിടെ വന്നതല്ല ,, എന്നെ വാധ്യാ൪ ഇവിടെ വരുത്തിയതാണല്ലേ ,, നീരുവിനു വേണ്ടി ,, വാധ്യാരെ പ്രാർത്ഥിക്കുന്ന അവളുടെ കണ്ണ് നിറയാൻ പാടില്ല ,, അവൾക്ക് ഒരു ദോഷവും ഉണ്ടാകാൻ പാടില്ല എന്ന് വാധ്യാ൪ ആഗ്രഹിക്കുന്നത് കൊണ്ട് ഭാർഗ്ഗവ ഇല്ലത്തെ സന്തതിയായ ഈ ആദിശങ്കരനാരായണനെ സാക്ഷാൽ ജഗന്നാഥ നാരായണൻ പത്തറുനൂറ് മൈല് ഇപ്പുറത്തുള്ള വിജയവാഡയിലെ വേമാവരത്തേക്ക് വിളിച്ചു വരുത്തി ,,കാരണം സാക്ഷാൽ ജഗന്നാഥന്‍റെ പേര് ചീത്തയാക്കാൻ ഒരു മൂന്നാം കിട റൗഡി ജഗന്നാഥൻ ഇവിടെ കിടന്നു വിലസുന്നുണ്ട് ,,അവനെ ഒതുക്കാനൊരു കൊട്ടേഷൻ അല്ലെ ,,,, ”

അവൻ കൈകൾ കൂപ്പി.

“എന്താ ഇവിടെ നിൽക്കുന്നെ ?”

ചോദ്യം കേട്ട് അവനൊന്നു തിരിഞ്ഞു

നിരുപമയായിരുന്നു

“ഒന്നൂല്ലാ നീരു ,,,,നീരു ഒരുപാട് പേടിച്ചല്ലേ ,, ”

അവളൊന്നും മിണ്ടിയില്ല പകരമൊന്നു മൂളി

നിലവിളക്കിൽ എണ്ണയൊഴിച്ചു തൊഴുതു

കൈയിൽ കരുതിയ തുളസി കതിരുകൾ ജഗന്നാഥന്‍റെ പാദത്തിൽ സമർപ്പിച്ചു

“നീരു ,,,,,”

അവന്‍റെ വിളികേട്ടു അവളൊന്നു മുഖം തിരിച്ചു

“ഈ ജഗന്നാഥ സ്വാമിക്ക് നീരുവിനെ ഒരുപാട് ഇഷ്ടമാ ,, അതുകൊണ്ട് ഈ ജഗന്നാഥ സ്വാമി ഒരു കൊട്ടേഷൻ തന്നിട്ടുണ്ട് ”

അവളൊന്നും മനസിലാകാതെ ആദിയെ നോക്കി.

“നീരു പേടിക്കണ്ട ,, നീരുവിന്‍റെ കല്യാണം നിശ്‌ചയിച്ച സമയത് തന്നെ നടക്കും ,,നടത്തിയിരിക്കും, അതിനു ഞാനിവിടെയുണ്ട് ”

അത് കേട്ടവള്‍ ഒന്ന് പുഞ്ചിരിച്ചു

“തല്ലുകൊല്ലിയാണല്ലേ ?” അവൾ ചോദിച്ചു
“അല്ല തല്ലുകൊടുപ്പനാ ,,ജനിച്ചപ്പോ മുതലേയങ്ങനെയാ , എന്റെ തല്ലു കൊണ്ടവരൊക്കെ ഉയർന്നനിലയിലെത്തിയിട്ടുണ്ട് ” ഒരു കള്ളച്ചിരിയോടെ അവൻ പറഞ്ഞു

നിരുപമ അത് കേട്ടൊരു പുഞ്ചിരിയോടെ ജഗന്നാഥന്‍റെ പാദത്തിൽ സമർപ്പിച്ച ഒരു തുളസി എടുത്ത് മുടിയിൽ വെച്ച് അവിടെ നിന്നും നടന്നകന്നു.

“എന്നാലും വെറുതെയല്ല പറയുന്നത് ,, ആരുമില്ലെങ്കിലും ഈശ്വരൻ കൂടെയുണ്ടാകുമെന്ന് ,, അത് ചിലപ്പോ നേരിട്ട് തന്നെ വരും ,,ഇല്ലെങ്കിൽ അതിനു പറ്റിയ ആളെ കൊണ്ട് വരും ,,അല്ല വരുത്തും ,,അപ്പൊ ,,വാദ്യാരെ ,,എവിടെ ചെന്നാലും ഞാൻ തന്നെയാണ് സ്റ്റാറും സൂപ്പർ സ്റ്റാറും മെഗാസ്റ്റാറുമൊക്കെ ,,കാരണം ഞാൻ ,ഹീറോയാണല്ലോ ,,,,” അവൻ ജഗനാഥനെ നോക്കി ഒന്ന് കണ്ണിറുക്കി, എന്നിട്ടു അവിടെ നിന്നും ഇറങ്ങി

<<<<<o>>>>>