അപരാജിതന്‍ 27 [Harshan] 9790

മാളികയിൽ എത്തിയപ്പോൾ വേഗം കാറിൽ നിന്നും ഡോർ തുറന്നു ഗോവിന്ദ റെഡ്ഢി ഹാളിലേക്ക് ചെന്നു.

തന്‍റെ മക്കളെ ഉറക്കെ വിളിച്ചു

അതുകേട്ടു മക്കളെല്ലാം ഓടി അങ്ങോട്ടേക്ക് വന്നു.

അദ്ദേഹം നടന്ന കാര്യങ്ങൾ എല്ലാം അവരോടു പറഞ്ഞു.

അത് കൂടെ കേട്ടതോടെ എല്ലാവരും കോപ൦ കൊണ്ട് വിറച്ചു.

നിരൂപമ ആരോടും ഒന്നും മിണ്ടാതെ മുറിയിലേക്ക് പോയി.

“എന്‍റെ കണ്മുന്നിൽ വെച്ചാ അവൻ നീരുവിനെ കത്തി കാട്ടി ഭയപ്പെടുത്തിയത് , ഇനിയും ഇത് തുടർന്നാൽ ശരിയാകില്ല ,,, അവൻ എല്ലാം കരുതികൂട്ടിയാ ,,അവനീ കല്യാണം നടത്താൻ സമ്മതിക്കില്ല ”

“അതവൻ പറയുന്നതല്ലേ ,,പലവട്ടം ക്ഷമിച്ചതാ ,, എന്നിട്ടും അവൻ ചെവി തിന്നുന്ന അവസ്ഥയിലെത്തി ,,ഇനിയിങ്ങനെ വിട്ടാൽ ശരിയാകില്ല “എന്ന് പറഞ്ഞു കൊണ്ട് അദ്ദേഹത്തിന്‍റെ ആൺമക്കൾ എല്ലാവരും പുറത്തേക്കിറങ്ങി

പക്ഷെ ഗോവിന്ദ റെഡ്ഢി മക്കളെ തിരികെ വിളിച്ചു

നീരുവിന്‍റെ വിവാഹം വരെ ക്ഷമിക്കുക , അത് വരെ അവനെ വെറുതെ വിടുക , അത് കഴിഞ്ഞു നോക്കാം എന്ന് പറഞ്ഞു കൊണ്ട് നിരൂപമയെ ആശ്വസിപ്പിക്കാനായി അദ്ദേഹം മുറിയിലേക്ക് പോയി.

മക്കൾ മനസില്ലാ മനസോടെ ആ യാത്ര ഒഴിവാക്കി.

ആദി ഒന്നും മിണ്ടാതെ പുറത്തേക്കിറങ്ങി.

അവിടെ ഡ്രൈവർ നിൽക്കുന്നുണ്ടായിരുന്നു ,അയാളോട് ജഗന്നാഥൻ എല്ലാ ആളെ കുറിച്ച് ചോദിച്ചു.

ജഗന്നാഥനെ കുറിച്ചുള്ള വിവരങ്ങൾ അയാൾക്കറിയാവുന്നത് ആദിക്ക് പറഞ്ഞു കൊടുത്തു.

“ഏതൊരു ഗ്രാമത്തിലും രണ്ടു ബദ്ധവൈരികളായ കുടുംബമോ വ്യക്തികളോ ഉള്ള പോലെ, ജഗന്നാഥൻ സിവെല്ലൂരി കുടുംബത്തിന് എതിരായ വ്യക്തിയാണ് , ആ ഗ്രാമത്തിൽ വന്നിട്ട് പത്തു വർഷത്തോളമായി, ആദ്യ കാലങ്ങളിൽ റൗഡിസം ,മാഫിയ , കള്ളചാരായം , കഞ്ചാവ് കച്ചവടം , ചൂതാട്ട കേന്ദ്രമൊക്കെ നടത്തി കാശു സമ്പാദിച്ചു കോടീശ്വരനായി , ഇപ്പോൾ സ്വന്തമായി നാല് ഡിസ്റ്റിലറി , രഹസ്യമായി ചൂതാട്ട ക്ലബ്ബ് , പഞ്ചസാര മിൽ , കഞ്ചാവ് കൃഷി , റിയൽ എസ്റ്റേറ്റ് എന്ന വേണ്ട ഇല്ലാത്തതായി ഒന്നുമില്ല , കോടികളുടെ സമ്പത്താണ് , അതുപോലെ ഗുണ്ടായിസവ, സിവെല്ലൂരി കുടുംബത്തോട് ഒരു മാത്സര്യം വെച്ച് പുലർത്തുന്നയാളാണ് ജഗന്നാഥൻ , സകല ദുശീലങ്ങളുമുണ്ട് , അയാൾക്ക് നിരുപമയോട് വല്ലാത്ത ആഗ്രഹമാണ് , പല വട്ടം നിരുപമയെ റോഡിലൊക്കെ വെച്ച് ഭീഷണിപ്പെടുത്തിയിട്ടുണ്ട് , നിരുപമയുടെ കല്യാണം നടത്താൻ അയാൾ സമ്മതിക്കില്ല , അതുപോലെ തന്നെ സിവെല്ലൂരി കുടുംബത്തിന് നാട്ടിൽ ലഭിക്കുന്ന ആദരവും ബഹുമാനങ്ങളും ഒന്നും അയാൾക്ക് ഇഷ്ടമല്ല ,, സിവെല്ലൂരി കുടുംബത്തിന് മേലെ തന്‍റെ പേര് കേൾക്കണം എന്നാണ് ജഗന്നാഥൻ ആഗ്രഹിക്കുന്നതും ”

ആദി എല്ലാം കേട്ടൊന്നു ചിരിച്ചു

എന്നിട്ട് തലയൊന്നാട്ടി മണിഗോപുരത്തിലേക്ക് നടന്നു