അപരാജിതന്‍ 27 [Harshan] 9784

“ഉവ്വ് ,, ഞാൻ എന്തിനാ കള്ളം പറയുന്നത് ,,ചുടല ആരെന്നോ ശരിയ്ക്കും പേരെന്തെന്നോ ആർക്കുമറിയില്ല ,എവിടെ നിന്നും വന്നുവെന്നോ ആർക്കുമറിയില്ല ,,ഈ അവധൂതൻ എന്നൊക്കെ പറയില്ലേ ,,അതായതു എന്തോക്കെയോ സിദ്ധികളുള്ളയാൾ ,,അങ്ങനെ ഒരു ഗണത്തിൽ പെടുത്താം ചുടലയെ ,,അല്ല എന്താ ചുടലയെ കുറിച്ച് ചോദിക്കുന്നത് ”

“അല്ല ,,അങ്ങേരു വന്നു എന്‍റെ കാലിൽ വീണു ,,നമസ്കരിച്ചു എന്നിട്ടു പദ്മ എന്ന് ചേർത്ത് കുറെ പേരുകൾ എന്നെ വിളിച്ചു ,”

” അതെയോ ,,,, അത് ആദ്യമായി കേൾക്കുന്ന കാര്യമാണല്ലോ ,,ആരെയും തൊഴാത്ത വ്യക്തിയാണ് ചുടല , രാജ കൊട്ടാരത്തിലെ ആളുകളെ പോലും തൊഴില്ല ,, പൊന്നൂസിനെ നമസ്കരിച്ചു എന്നൊക്കെ കേൾക്കുമ്പോ അതിശയ൦ തോന്നുന്നു ”

“കൊട്ടാരത്തിലെ ആളുകളെ പോലും തൊഴില്ലേ? ”

“ഇല്ല ,,, ഒരിക്കൽ അവിടത്തെ ശ്രീധർമ്മൻ തമ്പുരാനും ചുടലയും നേരിൽ കണ്ടുമുട്ടി , ചുടല തീണ്ടാപാട് അകലെ നിന്നതുമില്ല കുമ്പിട്ടതുമില്ല ,, കൂടെ നിന്ന സേവകർ ചുടലയെ ആട്ടിയോടിക്കാൻ നോക്കിയപ്പോൾ ചുടല തമ്പുരാനെ പിന്തിരിഞ്ഞു നിന്ന് മുണ്ടു പൊക്കി കാണിച്ചു ”

അതുകേട്ടു പാർവതി ചിരി തുടങ്ങി ,,”അയ്യേ ,,,എന്നിട്ട് ”

“ദേഷ്യം വന്ന തമ്പുരാൻ തോക്കും കൊണ്ട് ചുടലയുടെ നേരെ ഓടിവന്നു വന്നു ചുടലയുടെ പുറത്തു ആഞ്ഞടിച്ചു ,”

“:എന്നിട്ട് ” ആകാംഷയോടെ പാർവതി ചോദിച്ചു

“ചുടല ചിരിയോടെ തമ്പുരാനെ ഒന്ന് നോക്കി ,

“തമ്പുരാൻ ചുടലയുടെ ദേഹത്തും തലയ്ക്കുമൊക്കെ കുറേയടിച്ചു , അടി കൊണ്ടിട്ടും ചുടല ചിരിക്കുകയായിരുന്നു ,,ഒരേ ഒരു നിമിഷത്തേക്ക് കോപത്തോടെ ചുടല തമ്പുരാനേ ഒന്ന് നോക്കി .. നോക്കിയതും തമ്പുരാൻ വിറച്ചു കൊണ്ട് മണ്ണിൽ വീണു അപസ്മാരമിളകി ,, വിറച്ചു വായിൽ നിന്നും നുരയും പതയും വന്നു ബോധം കെട്ടു വീണു ”

അതുകേട്ടു പാർവ്വതിയ്ക്ക് ആകെ ഭയമായി

പാർവതി ആകെ ഭയത്തോടെ ഇന്ദുവിനെ നോക്കിയിരുന്നു

” ഒരാളെയും തൊഴാത്ത മനുഷ്യനാണ് ചുടല ,, അങ്ങനെയുള്ള ചുടല പൊന്നൂസിനെ തൊഴുതു നമസ്കരിക്കണം എങ്കിൽ പൊന്നൂസിന് അയാൾ ബഹുമാനിക്കുന്ന എന്തെങ്കിലും കഴിവുണ്ടായിരിക്കും ”

“ഓ ,,എനിക്കെന്തു കഴിവ് ,,, ഇതൊക്കെ കേട്ടിട്ട് ,എന്‍റെ ഉറക്കം പോയി ,, ഇന്ദൂട്ടി ”

അതുകേട്ടു ഇന്ദുലേഖ പൊട്ടിചിരിച്ചു കൊണ്ടിരുന്നു

“ഞാനെന്ന പോട്ടെ ,,ഇന്ദൂട്ടി ഇരുന്നു പഠിച്ചോ,, ” എന്നുപറഞ്ഞു കൊണ്ട് പാർവ്വതി അവിടെ നിന്നുമിറങ്ങി

<<<O>>>