അപരാജിതന്‍ 27 [Harshan] 9784

ആദിക്ക് സഹായത്തിനായി സമീപം ആനന്ദ് മഹാദേവനിരുന്നു

ഗോവിന്ദറെഡ്ഢിക്കും സമീപം അദ്ദേഹത്തിന്‍റെ ഭാര്യയും മക്കളും

ഒരു ബന്ധു കമന്ററി പറയുവാനായി നിന്നു

ചെസ്സ് അറിയാത്തവർക്ക് ഓരോരോ നീക്കങ്ങളും പറഞ്ഞു കൊടുക്കാനായി

ഗോവിന്ദ റെഡ്ഢിക്ക് വെള്ള കരുക്കൾ ആദിക്ക് കറുത്ത കരുക്കൾ

ഗോവിന്ദറെഡ്ഢി തന്‍റെ ആദ്യത്തെ മൂവിങ് രാജാവിന് മുന്നിലുള്ള കാലാളിനെ രണ്ടു കളം മുന്നിലേക്ക് നിർത്തി.

അതിനു പ്രതിബന്ധമായി ആദി തന്‍റെ രാജാവിന് മുന്നിലെ കാലാളിനെ രണ്ടു കളം മുന്നിലേക്ക് നിർത്തി.

ഉടനെ ഗോവിന്ദ റെഡ്ഢി വലതു ഭാഗത്തെ കുതിരയെ എൽ ആകൃതിയിൽ മൂന്നുകളം മുന്നിലേക്കും ഒരുകളം ഇടത്തേക്കും നിർത്തി

അദ്ദേഹത്തിന്‍റെ മൂവ്മെന്റ് മനസിലായ ആദിയും അതെ ശൈലിയിൽ തന്‍റെ വലതു വശത്തെ കുതിരയെ ഇറക്കി.

ആദിയുടെ കുതിരയ്ക്ക് പ്രതിബന്ധമൊരുക്കി ഗോവിന്ദ റെഡ്ഢി തന്‍റെ വലത്തേ ആനയെ ഡയഗണൽ മോഷനിൽ നാളുകളം ചാടിച്ചുകൊണ്ട് കുതിരയ്ക്ക് ഭീഷണിയാക്കി ആനയെ നിർത്തി.

ഇപ്പോൾ റയ് ലോപ്പസ് ഓപണിംഗ്‌ ലായി ഗോവിന്ദ റെഡ്ഢി നിലകൊണ്ടു

ആദി ഒന്ന് പുഞ്ചിരിച്ചു കൊണ്ട് ഗോവിന്ദ റെഡ്ഢിയെ നോക്കി

എന്നിട്ടു കൂടുതലായൊന്നും ചിന്തിക്കാതെ ഇടത്തെ കുതിരയെ മുന്നോട്ടിറക്കി

ബെർലിൻ ഡിഫൻസ് മോഡിൽ (2000 ത്തിൽ വേൾഡ് ചെസ്സ് ചാമ്പ്യൻഷിപ്പിൽ വ്ലാദിമിർ ക്രാംനിക് , ഗാരി കാസ്പറോവ് നെ ഡിഫൻഡ് ചെയ്ത മൂവ്മെന്റ് )

ഗോവിന്ദ റെഡ്ഢി ആദിയെ ഒന്ന് നോക്കി

തന്‍റെ എതിരാളി കൃത്യമായ ലക്ഷ്യങ്ങൾ ഉള്ളവൻ തന്നെയെന്ന് അദ്ദേഹത്തിന് മനസിലായി.

അവരുടെ മൂവ്മെന്റുകൾ തുടർന്ന് കൊണ്ടിരുന്നു.

കളത്തിന്‍റെ മധ്യ ഭാഗത്തു നിയന്ത്രണം കൂട്ടുവാൻ ആദി നല്ലപോലെ ശ്രമിച്ചു കൊണ്ടിരുന്നു.

അവിടെ നിയന്ത്രണം സാധ്യമായാൽ മറ്റു കരുക്കൾക്ക് എതിരാളിയെ അപേക്ഷിച്ചു പ്രതിബന്ധങ്ങൾ ഭേദിച്ച് മുന്നോട്ടു പോകാനുള്ള സാധ്യത വർധിക്കും.

കളി മുറുകി കൊണ്ടിരുന്നു

ഗോവിന്ദ റെഡ്ഢി നല്ലപോലെ വിയർത്തു തുടങ്ങി.

രണ്ടു മണിക്കൂർ ആയി.

വാശിയേറിയ മത്സരം

“ചെക്ക്മേറ്റ് “

എല്ലാവരും ആകാംഷയോടെ നോക്കി.ആരാണ് അത് പറഞ്ഞതെന്ന് .

ആദി എഴുന്നേറ്റു നിന്നു

ഗോവിന്ദ റെഡ്ഢിക്ക് കൈ കൊടുത്തു

“മുത്തശ്ശാ ,,,,,,ഐ അഡ്മിറ്റ് മൈ ഫെയിലർ ( ഞാനെന്‍റെ പരാജയം സമ്മതിക്കുന്നു )

അദ്ദേഹം പുഞ്ചിരിയോടെ എഴുന്നേറ്റു

എന്നിട്ടു ആദിയെ കെട്ടിപിടിച്ചു.

ഗോവിന്ദറെഡ്ഢി ആദിയെ പരാജയപ്പെടുത്തി

എല്ലാവരും കൈയടിച്ചു.