അപരാജിതന്‍ 27 [Harshan] 9784

“അപ്പു എന്‍റെ അപ്പായെ ഇതുവരെ ആരും ചെസ്സിൽ തോൽപ്പിച്ചിട്ടില്ല കേട്ടോ ” ചേതന പറഞ്ഞു.

അവനതു കേട്ട് ചിരിച്ചു

“ചെക്ക്മേറ്റ് ” എന്ന് ഗോവിന്ദ റെഡ്ഢി പറഞ്ഞതും ഒപ്പമായിരുന്നു.

പ്രദീകിന്‍റെ രാജാവിനെ മന്ത്രിയും രണ്ടു കുതിരയെയും ഉപയോഗിച്ച് ഗോവിന്ദ റെഡ്ഢി മുത്തശ്ശൻ ചെക്ക്മേറ്റ് ചെയ്തു

എങ്ങോട്ടും അനങ്ങാനാകാതെ പ്രദീകിന്‍റെ രാജാവ് കീഴ്പ്പെട്ടു.

“മോന് ചെസ്സിൽ താല്പര്യമുണ്ടോ ?” ഗോവിന്ദറെഡ്ഢി ചോദിച്ചു

“ഉവ്വ് മുത്തശ്ശാ ,,, ചെസ്സ് മറ്റൊരു തരത്തിൽ പറഞ്ഞാൽ ഒരു യുദ്ധമല്ലേ ”

“അപ്പാ ,,, അപ്പുവിന്‍റെ ‘അമ്മ ലക്ഷ്മി നല്ലൊരു ചെസ്സ് പ്ലെയറായിരുന്നു” ചേതന പറഞ്ഞു

അദ്ദേഹമത് കേട്ട് അവനെ നോക്കി

“അതെ മുത്തശ്ശാ ,,ലക്ഷ്മിയമ്മ അൾട്ടിമേറ്റ് പ്ലെയറായിരുന്നു ,, അമ്മയാണെന്നെ ചെസ്സ് പഠിപ്പിച്ചതും ,”

“എങ്കിൽ ഇന്ന് നമ്മൾക്ക് ഒരു കോമ്പറ്റിഷൻ നടത്തിയാലോ ” മുത്തശ്ശൻ ചോദിച്ചു

” അയ്യോ ,,അതൊക്കെ വേണോ മുത്തശ്ശാ ,,,”

“വേണം ,, ഇതൊക്കെ ഒരു സ്പോർട്സ് മാൻ സ്പിരിറ്റോടെ എടുക്ക് മോനെ ,,,”

“അപ്പൊ മുത്തശ്ശൻ തോറ്റാലോ ?” ആദി ചോദിച്ചു

“എങ്കിൽ സിവല്ലൂരി ഗോവിന്ദറെഡ്ഢിയെ തോൽപ്പിച്ച വീരൻ എന്ന പേര് നിനക്ക് കിട്ടും ,,കാരണം ഞാൻ ആരുടെ മുന്നിലും ഇതുവരെ തോറ്റിട്ടില്ല ”

“എന്നാൽ ശരി മുത്തശ്ശാ ,,,,,,”അവനും സമ്മതിച്ചു.

അന്ന് വൈകീട്ട്

കുടുംബത്തിൽ ദൂരദേശങ്ങളിൽ നിന്നുമുള്ള ബന്ധുജനങ്ങൾ എല്ലാം എത്തിതുടങ്ങിയിരുന്നു

മാളികയിലും മാളികക്കു ഇരു വശങ്ങളിലുമുള്ള അവരുടെ തന്നെ മറ്റു മാളികകളിലും അവർക്കു താമസമൊക്കെ ഒരുക്കിയിരുന്നു.

അന്ന് സന്ധ്യപ്രാർത്ഥനയ്ക്ക് എല്ലാരും ജഗന്നാഥ സ്വാമിയുടെ പ്രതിഷ്ഠക്ക് മുന്നിലൊത്തുകൂടി.

പ്രാർത്ഥനകൾക്ക് ശേഷം

ഏഴുമണിക്ക്

നിരുപമയുടെ കല്യാണ പന്തലിൽ മത്സരങ്ങൾക്കുള്ള ഒരുക്കങ്ങൾ തയ്യറാക്കിയിരുന്നു.

എല്ലാവർക്കും മത്സരം കാണാനുള്ള സൗകര്യത്തിനായി.

ഈട്ടിയിൽ നിർമ്മിച്ച മേശക്കു മുകളിൽ ചന്ദന മരത്തിൽ തീർത്ത ചതുരംഗപലകയും കരുക്കളും അവിടെ നിരത്തി

അഭിമുഖമായി ആദിയും ഗോവിന്ദറെഡ്ഢിയുമിരുന്നു.